 |
 |
|
Grwpiau cymorth
Beth bynnag ydy'r broblem, mae mudiad neu gymdeithas ar gael i helpu. Dyma restr o rai o'r mudiadau lleol hynny sydd ar y we. Rhowch wybod os ydych chi'n gwybod am rai eraill. |
|
|
|
http://www.accymru.org.uk/
Bwriad Age Concern Cymru yw rhoi llais i'r genhedlaeth hŷn yng Nghymru gan sicrhau eu bod yn cael bywydau teg a llawn. Mae'r safle yn un hawdd i'w ddefnyddio ac yn cynnwys gwybodaeth angenrheidiol am y gymdeithas, yn ogystal â ffeithiau am bobl hŷn Cymru a gwybodaeth am sut i gysylltu â'ch AC neu AS lleol. Os cliciwch chi ar Age Concern Cymru yn eich ardal chi ac yna ar Wynedd neu Ynys Môn ar y map, fe gewch enwau a manylion cyswllt y swyddfa agosaf yng Nghaernarfon. Os ydych chi'n byw yng Nghonwy, yn Ninbych mae eich swyddfa agosaf.
http://www.kbe51.dial.pipex.com
Cynllun bond ydy Agorfa i helpu pobl ar incwm isel yn ardaloedd Arfon a Môn. Mae'r elusen leol hon yn rhoi cymorth a chefnogaeth i bobl sy'n cysgu naill ai yn lloches nos Bangor neu ar y stryd. Mae'r safle yn dangos pwy ydy partneriaid Agorfa a'r cyrff sy'n ei ariannu. Mae yma hefyd gysylltiadau â gwefannau perthnasol eraill yng Nghymru a mudiadau lleol.
http://www.careandrepair.org.uk
Mae gan Care and Repair Cymru asiantaethau i helpu'r henoed a'r anabl i drwsio a chynnal eu tai. Mae'r gwasanaeth yn cynnwys cyngor ynglŷn â dewis lle i fyw, cadw golwg ar safon gwaith adeiladu yn ogystal â rhoi cefnogaeth a chymorth wrth drefnu llety dros dro. Mae'r safle yn rhoi manylion swyddfa gogledd Cymru ym Mangor, a hefyd asiantaethau Care and Repair yng Ngwynedd, Ynys Môn a Chonwy.
http://taieryri.co.uk
Mae'r gymdeithas elusennol yma yn darparu tai ar rent a chynlluniau rhad i brynu tai. Y nod ydy ceisio sicrhau cartrefi o safon yn ogystal â chyfrannu at ddatblygiad cymunedau yng ngogledd orllewin Cymru. Mae'r wefan yn ddeniadol a chwbl ddwyieithog ac yn rhoi manylion ar sut i gysylltu â'r brif swyddfa yng Nghaernarfon neu'r swyddfeydd lleol eraill ym Môn, Dwyfor a Meirionnydd.
http://www.gisda.co.uk
Grŵp lleol ydy GISDA sy'n cynnig cymorth a chefnogaeth i bobl ifanc sengl a digartref yng Ngwynedd. Maen nhw'n cynnig llety addas parhaol mewn hostel neu fflat i bobl ifanc rhwng 16 a 25 sy'n ddigartref. Mae'r safle, un o'r rhai prin lle mae'r Gymraeg yn flaenaf, yn egluro cefndir GISDA, sut mae'n cael ei ariannu ac yn rhestru'r holl wasanaethau mae'r mudiad yn eu cynnig yn lleol.
http://cymuned.gwynedd.gov.uk/cymuned/
Gwefan sy'n rhoi rhestr gynhwysfawr o gymdeithasau a mudiadau cymorth yng Ngwynedd (cliciwch ar Cymdeithasau) yn ogystal â'ch cyfeirio at Gynghorwyr, Digwyddiadau, Papurau bro a chysylltiadau ym maes Iechyd yn eich ardal chi.
http://mysite.freeserve.com/deillion
Mae'r gymdeithas wedi'i lleoli ym Mangor ond mae ganddyn nhw gartref preswyl yn Abergele hefyd a 12 canolfan gymdeithasol ar draws gogledd Cymru. Mae'n nhw'n cynnig amrywiaeth eang o wasanaethau i bobl â nam ar eu golwg ac yn estyn cymorth i'r rhai hynny sy'n colli eu golwg. Mae safle, sy'n uniaith Gymraeg i bob pwrpas, yn cynnig gwybodaeth am sut i wneud cais am grantiau.
http://www.snapcymru.org/
Mae SNAP Cymru (Special Needs Advisory Project) yn cefnogi teuluoedd efo plant a phobl ifanc sydd angen cymorth addysgol arbennig yn rhad ac am ddim. Mae'r safle hwn yn cynnwys adran holi ac ateb i helpu teuluoedd i ddeall problemau dysgu eu plentyn yn well. Mae'r safle yn rhoi gwybodaeth am ddigwyddiadau sydd i ddod a'r rhai sydd wedi cael eu cynnal a manylion cyswllt eu swyddfa yng Nghaernarfon.
http://www.sagb.co.uk/
Mae SAGB (Schizophrenia Association of Great Britain) ym Mangor yn helpu cleifion sy'n dioddef o sgitsoffrenia ac yn cynnig cefnogaeth i'w teuluoedd. Mae gwybodaeth ar eu safle am natur y salwch a rhaglen fwyd er mwyn helpu deiet dioddefwyr. Tynnir sylw at lyfrau am therapi maeth a sgitsoffrenia gan gynnwys cyhoeddiadau SAGB.
http://www.tygwydr.com
Canolfan gymunedol wirfoddol ym Mangor ydy Tŷ Gwydr wedi'i sefydlu i hybu a chefnogi grwpiau cymunedol lleol yn ogystal â rhoi swyddfa iddyn nhw. Mae swyddfeydd, ystafelloedd cynhadledda a chyfrifiaduron ar gael yn y ganolfan ar gyfer cynnal dosbarthiadau a chyfarfodydd. Mae'r wefan yn hysbysebu digwyddiau lleol a phrosiectau ac yn cysylltu â gwefannau eraill yng ngogledd orllewin Cymru.
http://www.mantellgwynedd.com/wefan/index.asp
Elusen annibynnol ar gyfer grwpiau gwirfoddol a chymunedol Gwynedd ydy Mantell Gwynedd. Mae'r wefan yma'n cynnig manylion a chysylltiadau i dros 700 o fudiadau lleol, bwletinau newyddion a gwybodaeth am sut i fynd ati i wirfoddoli hefyd.
http://www.mentrau-iaith.com/index.php?page_uid=776a195a&lang=1
Mae tair o fudiadau iaith y gogledd orllewin ar y wefan yma, sef Conwy, Môn a Gwynedd. Bwriad y mentrau ydy rhoi cymorth a chyngor i unigolion, mudiadau a busnesau, a chynnal gweithgareddau er mwyn codi proffil yr iaith. Mae hon yn wefan eithaf syml a rhwydd ei defnyddio er nad ydi'r rhestr o gysylltiadau ar ochr chwith tudalen blaen pob menter yn aneglur iawn ar yr olwg gynta. Ond, o glicio arnyn nhw, fe gewch chi lawer o wybodaeth am sefyllfa'r iaith, byd busnes, cyfieithwyr a staff y mentrau yn eich ardal chi.
http://www.gwyneddsands.co.uk/
Mae'r wefan ddwyieithog yma llawn gwybodaeth am y grŵp cymorth lleol sydd yn cynnig cefnogaeth i deuluoedd sydd wedi colli baban cyn, yn ystod neu ar ôl geni yn ardal Gwynedd. Cynigwyd gan Llinos Eames Jones
Dyw'r 91Èȱ¬ ddim yn gyfrifol am gynnwys safleoedd allanol.
|
|
|
|
[an error occurred while processing this directive]
|
Ìý
