91热爆

Bu Gwyn Jenkins, sy'n Gyfarwyddwr Gwasanaethau Casgliadau yn Llyfrgell Genedlaethol Cymru, yn siarad am y cofiant gyda Nia Roberts ar Raglen Hywel a Nia fore Iau, Gorffennaf 12, 2007 lle disgrifiodd Huw T Edwards fel "sosialydd cenedlaetholgar", g诺r direidus ac yn berson "cynnes a hael iawn, iawn"..

"Ac roedd pobl yn hoff iawn, iawn, ohono fe ac ychydig iawn o feirniadu oedd arno," meddai.

Pryfocio
"Ac roedd e'n hoffi dweud pethau [oedd yn] pryfocio ac hyd yn oed wedyn roedd pobl yn derbyn mai Huw T oedd Huw T," ychwanegodd.

Ond ychwanegodd mai "dyn o ddylanwad ond heb rym" oedd o.

Un o Ddyffryn Conwy oedd Huw T Edwards. Ychydig o addysg a gafodd a thra'n gweithio ym mhyllau glo y de yr ymunodd 芒'r Blaid Lafur a dechrau ymwneud ag undebau llafur gan ddringo maes o law yn gadeirydd cyntaf Cyngor Cymru ac ennill iddo'i hun yr enw o fod yn "Brif Weinidog Answyddogol Cymru" pan oedd ar anterth ei yrfa.

Ymlyniad
"Roedd ei ymlyniad at iaith a diwylliant ei genedl yn ddi-ball ac er yn sosialydd o argyhoeddiad ac yn genedlgarwr pybyr, roedd yn ddigon eangfrydig i fanteisio ar bob cyfle i gydweithio'n adeiladol ar ran y genedl," meddai Gwyn Jenkins noson cyhoeddi'r llyfr yn y Llyfrgell genedlaethol, Gorffennaf 13, 2007.

"Roedd ei gyfraniad i ddatblygiad Cymru fel cenedl yn yr ugeinfed ganrif yn eithriadol o bwysig a thra gwahanol fyddai'r broses o ddatganoli oni bai am ei gyfraniad ef," meddai.