بیت اللہ محسود اور ان کے ساتھیوں، اور اگر آئی ایس آئی میں ان کے کچھ ہمدرد ہیں، جیسا کہ امریکہ کا خیال ہے، تو ان کے علاوہ مجھے نہیں لگتا کہ کسی کو اس بات پر اعتراض ہوگا۔
لیکن سپریم کورٹ کی توجہ کا مہور بیت اللہ سے ہندوستان کو لاحق خطرات نہیں بلکہ ایک پندرہ سولہ سال کے نوجوان کی داڑھی تھی جس پر اس کے سکول کو اعتراض ہے۔ اس نوجوان نے عدالت سے رجوع کیا تھا۔
اپنے فیصلے میں عدالت نے کہا کہ ' ہمیں اس ملک میں طالبان نہیں چاہئیں۔ کل کوئی لڑکی آکر کہے گی کہ وہ برقہ پہن کر سکول جانا چاہتی ہے، تو کیا ہم اس کی اجازت دیدیں گے؟'
ذاتی طور پر میں خود بھی اسی خیال کا ہوں کہ سکول کے قاعدے قوانین سب کے لیے یکساں ہونے چاہئیں۔ اگر داڑھی رکھنی ہے یا برقہ پہننا ہے تو کسی ایسے ادارے میں داخلہ لے لیجیے جہاں اس کی اجازت ہو۔
لیکن دو بنیادی سوال ہیں جو میری سمجھ سے باہر ہیں۔ اگر داڑھی رکھنے یا برقہ پہننے سے ہی ملک کا طالبان آئی زیشن ہو جائے گا تو پھر محمد سلیم کی ہی داڑھی کیوں کٹوائی جائے، ہر ہندوستانی کلین شیو کیوں نہ ہو، اور اگر صرف سکولوں کو مذہبی علامات سے پاک رکھنا مقصود ہے تو سکھ طلباء کو لمبے بال رکھنے اور پگڑی باندھنے کی اجازت کیوں ہو؟
ایک پندرہ سولہ سال کے لڑکے کی داڑھی سے ہندوستان کا سیکیولر کردار خطرے میں پڑ جائے گا، مجھے اس بات پر تھوڑا شبہہ ہے۔
طالبان آئی زیشن کا خطرہ داڑھی رکھنے دیے جانے سے نہیں زبردستی نہ رکھنے دیے جانے سے زیادہ ہے۔