91Èȱ¬

Fel y dywed bu'r 'Pulpud min y ffordd' yn ffordd fachog ac effeithiol ers blynyddoedd o dynnu sylw pobl yn y Saesneg ac y mae lluniau yn Cristion o rai o'r negeseuon ffraeth a chlyfar a welwyd - nifer ohonyn nhw yn yr Unol Daleithiau.

Ond er "cryn lwyddiant" gosod posteri o'r fath ar furiau eglwysi dywed Denzil John ei fod yn synnu cyn lleied o eglwysi Cymraeg sy'n arfer y cyfrwng i ddweud rhywbeth pwrpasol wrth y sawl sy'n cerdded heibio'r capel.

Mae o'n cynnig nifer o negeseuon Cymraeg y gellid eu defnyddio fel:

• A yw seren y Nadolig yn disgleirio yn dy fywyd di?
• Mae'n haws cael gair gyda Iesu na gydag unrhyw wladweinydd. Y Nesaf yw Efe o bawb at enaid gwan . . .
• Mae'r Pasg yn fwy na chroes - mae'n groesffordd i ni. Pa ffordd nawr? Dilynwch Iesu.
• Mae SEREN ein Nadolig ni yn cynnig golau ar hyd y flwyddyn. Ydych chi'n ei weld?
• Gwell cynnau cannwyll na melltithio'r tywyllwch!

Rwy'n siŵr y bydd Denzil John yn maddau imi am awgrymu; ar wahân i'r un olaf yna, nad ydi'r negeseuon Cymraeg hanner mor afaelgar na chwarter mor fachog a chlyfar na'r rhai Saesneg y mae'n tynnu sylw atynt.

Tybed ydi'r Saesneg yn hwylusach iaith na 'Iaith y Nefoedd' i'n deffro i dragwyddoldeb?

Dyfarnwch chi achos dyma rai o'r enghreifftiau Saesneg:

• Artificial intelligence is no match for natural stupidity.
• Free coffee, everlasting life. Yes, membership has its privileges.
• Forgive your enemies - it messes with their heads.
• God does not believe in atheists therefore atheists do not exist.
• Read the Bible - it will scare the hell out of you!
• Glory, glory, Man United with God.

Beth am rai Cymraeg i ragori ar y rheina?