91热爆

Llongyfarchiadau mawr i'r holl fandiau wnaeth gystadlu yn rowndiau cyn-derfynol Brwydr y Bandiau Mentrau Iaith Cymru / C2 Radio Cymru 2010 - roedd y safon yn arbennig o uchel eleni, ond y tri band sydd drwodd i'r rownd derfynol sydd i'w chynnal ar Ebrill 21ain yw:

Dyw'r gwaith galed ond megis dechrau i'r tri band fodd bynnag, gan fod rhaid iddyn nhw rwan dreulio diwrnod mewn stiwdio broffesiynol yn recordio eu caneuon ar gyfer y rownd derfynol.

Bydd y tri beirniad - Bethan Elfyn, Rhodri Llwyd Morgan, ac Ian Cottrell yn dychwelyd i stiwdios moethus C2 ar noson y ffeinal i roi eu sylwadau a marciau ar y bandiau unwaith yn rhagor, ac yn edrych am ddatblygiad rhwng y recordiadau byw (a gafwyd yn y rowndiau cyn-derfynol) a'r recordiad stiwdio.

Unwaith yn rhagor, pleidlais y gwrandawyr yn unig fydd yn penderfynu pa fand fydd yn cipio coron ennillwyr Brwydr y Bandiau 2010, felly cofiwch wrando ar y noson - Ebrill 21ain am 8pm i glywed y bandiau a'r rhifau pleidleisio hollbwysig.

I weld manylion, lluniau a'r newyddion y gystadleuaeth ewch i dudalen Brwydr y Bandiau ar wefan C2 drwy glicio yma.