91Èȱ¬

Tha beagan a bharrachd air trì seachdainean bho chaidh taghadh nàiseanta a chumail sa Ghearmailt. ‘S iad na Democrataich Sòisealta a shoirbhich ach gun mhòr-chuid gu leòr airson riaghladh iad fhèin. Mar sin tha còmhraidhean gu bhith a’ dol airson riaghaltas a chruthachadh. Tha Mìcheal Klevenhaus sa Ghearmailt agus tha e còmhla rinn airson innse dhuinn mun t-suidheachadh.

Tha buidheann Ameireaganach air aontachadh bùth Morrisons a ghabhail thairis. Chaidh a' bhùth a'stèidheachadh ann an 1899 ann am Bradford le fear Sir Ken Moireasdan, a bhàsaich ann an 2017. Tha an t-eòlaiche-eaconamach, Iain Caimbeul a' toirt sùil air beatha Sir Ken Moireasdan.

Tha am Metaverse air aire saoghal an teicneòlas a thogail, dòigh air saoghal mas-fhìor a chruthachadh airson conaltradh, obair a dhèanamh no airson geamannan a chluich, am measg eile. Tha an t-eòlaiche-teicneòlas Dòmhnall Dòmhnallach còmhla ri Coinneach airson mìneachadh a dhèanamh air an t-saoghal ùr seo.

Agus tha Coinneach a’ toirt sgrìob dhan tasglann gu cuairt a ghabh e a dh' Alba Nuadh ann an 2004 far an robh Fèis Eadar-nàiseanta Celtic Colours a' gabhail àite.