91Èȱ¬

Tha Taiwan air iarraidh air Sìona sguir dhen dol a-mach buaireanta a tha iad air a bhith ris. Tha seo an dèidh do 150 plèana-cogaidh Sìonach sgèith thairis air roinn-dìon adhair Taiwan anns na ceithir làithean a dh’fhalbh. Mìnichidh am fear-naidheachd Murchadh Macleòid dè as coireach gu bheil amhreit eadar an dà dhùthaich agus dè a tha air a chùl?

Nì Cailean MacGillEathain lèirmheas air am film aithriseach ùr Picture Stories. 'S e film a th' ann a tha ag innse sgeulachd na h-iris Picture Post, iris naidheachdan-dheilbh, a chaidh fhoillseachadh san Rìoghachd Aonaichte eadar 1938 ‘s 1957.

Thèid co-labhairt nan Dùthchannan Aonaichte air Atharrachadh na Gnàth-shìde, COP26, a chumail an ath mhìos ann an Glaschu. Anns na seachdainean a tha romhainn bheir sinn sùil air mar a tha atharrachadh na gnàth-shìde a’ toirt buaidh air a’ phlanaid. An-diugh, tha sinn a' toirt sùil air buaidh teas mòr. Mìnichichidh an t-eòlaiche-saidheans Iain MacAonghais an saidheans air cùlaibh àrdachadh teas na planaid.

Canaidh iad gun fheàrr a bhith a dhìth a' chinn na a bhith a dhìth an fhasain. 'S e am fasan sna taighean-bìdh mòra an-diugh a bhith a' sgeadachadh biadh ann an dòigh ealanta. Tha sin a' ciallachadh gur ann glè ainneamh a thèid truinnsear pòrsalain no glainne criostail a chuir air do bheulaibh, ach gu bheil thu nas dualtaich do bhiadh fhaighinn air sgleàt agus deoch òl à seann chrogan silidh. Ach an e ealain a tha seo, no dìreach amaideas a thèid a-mach à fasan gu math aithghearr?