91Èȱ¬

Bha muinntir Roswell, New Mexico a’ feitheamh aithisg bhon a’ Phentagon air an deireadh sheachdain a bheireadh dhaibh tuilleadh fiosrachaidh air na thachair anns a’ bhaile ann an 1947, nuair a chaidh grunnan sheallaidhean de UFOs fhaicinn sa sgìre. Ach cha deach mòran a bharrachd fiosrachaidh a thoirt dhaibh. Bheir Iain MacGillEain dhuinn eachdraidh baile Roswell agus mar a thachair ann a 1947.

Tha teas sgriosail a’ bualadh air na Stàitean Aonaichte agus Canada an-dràsta. Cluinnidh sinn bho Chathy Muriel Carey, a tha a’ fuireach ann an New Jersey, mar a tha ’d a’ dèiligeadh ris.

Tha Alasdair Macleòid a’ leantainn air leis an t-sreath far a bheil e a' còmharrachadh farpais Euro 2020, le blas bìdh às gach dùthaich far am bheil geamannan ball-coise gu bhith air an cluich. An-diugh ‘s ann am baile mòr Baku a tha e.

Agus a' leantainn air còmhradh Aonghais Phàdraig Caimbeul air Iain Knox an-dè, tha sinn a' toirt sgrìob dhan tasglann gu còmhradh a rinn Coinneach aig Eaglais St Giles, Àrd-eaglais Dhùn Èideann, còmhla ris an Ollamh Dòmhnall Macleòid agus an t-Ollamh Mata MacIomhair.