91Èȱ¬

Ally Heather, presenter o 91Èȱ¬ Scotland’s documentary on Scots ‘The Rebel Tongue’ has flitted back to Dundee in lockdoon and kicked aff a hail series o online sessions on Dundee Scots whaur folk frae the city can get mair confident wi their ain brand o Scots. Horror tales o the language being banned frae the hoose as ‘oary’ or ‘orrae’ abound (oary is Dundonian Scots for common, coarse or vulgar, lower class) and jist aboot aabody is that wee bit feart tae be heard spikking it at wark, but gaithering thegither can gie ye confidence. Stars o the Scots tongue like Sheena Wellington pop up to gie encouragement. Narrator Nalini Chetty gets tae grips wi the “Rebel Tongue’ o Dundonians - mebbe it’s braw to be oary efter aa!