91Èȱ¬

Cò a gheibh obair Neach Ceartas na h-Àrd Chùirt anns na Stàitean Aonaichte? Cluinnidh sinn bho Mìchael MacAoidh mun argamaid a tha a' dol eadar na democrats agus na republicans mu cùin a thèid cuideigin a chur an àite Ruth Bader Ginsburg, a chaochail an t-seachdain sa chaidh.

Mìnichidh Murchadh MacLeòid an suidheachadh ann an Thailand mar a tha mìltean do dhaoine air a bhith a’togail fianais air sraidean Bangkok ‘s iad ag iarraidh ath-leasachadh a’thoirt air siostam poilitigeach na dùthcha agus iad cuideachd a’ dol an aghaidh an ughdarras a tha aig a’ mhonarcachd.

Bha baile anns a’ Chuimrigh air a bhith a’ call an eadar-lìon aig an aon àm gach latha airson bliadhna gu leth. As dèidh iomadh sgrùdadh fhuairear a-mach gur e seann telebhisean aig fear anns a’ bhaile a bha ag adhbharachadh an trioblaid. Gheibh sinn stiùireadh bhon eòlaiche teicneòlas Dòmhnall Dòmhnallach air na nithean a bheir buaidh air siognail an eadar-lion agus dè as urrainn dhuinn a dhèanamh airson a neartachadh.

Thoisich prògram ùr de The Great British Bake Off a-raoir. Prògram a’ chaidh a chlàradh aig àm glasaidh a’ Choròna-bhìoras. Gheibh sinn beachd air a' phrògram bho thriùir a tha air a bhith a’ leanntainn an sreath bho thòisich e - Griogar MacLeòid, Amanda McShannon agus Michelle NicDhomhnaill.