91Èȱ¬

Tha Guillermo Santana MacFhionghain a' mìneachadh buaidh Corona-bhìoras anns An Argantain.

Tha an eòlaiche-inntinn Dòmhnall Macleòid ag innse mar a dh' fhaodadh daoine a bhith a' faireachadh nan inntinn nuair a bhios lockdown seachad.

Se Calum Macleòid a tha air a bhith a' sgrìobhadh rannan beaga mun Chorona-bhìoras an-diugh.

Agus tha Tormod Dòmhnallach a' leantainn an t-sreath mu choimhearsnachdan a’ bha deiligeadh ri cruaidh-chas agus truaighe tro eachdraidh agus na laoich a bha tighinn am bàrr. An t-seachdain seo bruidhnidh Tormod mun àite a bh’ aig na Sgitheanaich Alasdair MacFhionghuin (6 Gearran 1893-9 Dùbhlachd 1975) à Gleann Dail, Eoghainn Dòmhnallach (8 Sultain 1883-9 Samhain 1955) à Cille Mhoire agus am Barrach Calum MacNèill ann a bhith a’ dol an tòir air luchd-cuideachaidh Ernest Shackleton Dh’fhag iad Port Chalmers, Sealan Nuadh, air 20 Dùbhlachd 1916 agus thìll iad gu Wellington air 9 Gearran 1917.  Bheir Tormod cuideachd luaidh air fear Alexander Stevens a chaidh a thaghadh airson falbh air turas Shackleton ann an 1914. bbc.co.uk/coinneach