91Èȱ¬

Thèid Suipear Burns a chumail air an deireadh sheachdain sa tighinn air feadh an t-saoghail mar chomharra air beatha agus obair a’ bhàrd Albannach ainmeil Raibeart Burns. Cluinnear bho Mhurchadh Moireasdan mu na h-àitichean is annasaiche far am bi iad a cuir fàilte air an taigeis.

'S ann mun am sa dhen bhliadhna a dh’fheumas daoine a tha ag obair air an ceann fhèin foillseachadh na tha iad air a chosnadh anns a’ bhliadhna-ionmhais a dh’fhalbh agus na cìsean a tha aca ri phàigheadh. Ach carson is e deireadh an Fhaoilleach an ceann latha agus dè a chomhairle is fheàrr dhaibhsan a dh’fheumas a leithid a' dhèanamh agus a tha ag ullachadh na bileagan cunntais gu pearsanta? Gheibh sinn comhairle agus fiosrachadh bhon neach cunntais Faye NicLeòid.

Tha Oifis a’ Choimiseanair Fiosrachaidh air còd-giùlain ùr fhoillseachadh airson clann a dhìon nuair a tha iad air loidhne. Thathar an dòchas gu tig na h-atharrachaidhean seo gu bith gu laghail anns an fhoghair 2021 nuair a chuireas a’ Phàrlamaid aonta riutha. Innsidh an t-eòlaiche IT Dòmhnall Dòmhnallach an tuilleadh mu dheidhinn a’ chòd ùr seo agus mìnichidh e dè a tha na lùib agus carson a tha leithid air tachairt.

Tha fear aig an robh làmh ann a bhith a’ dèiligeadh ri ceannaircich ann an Guantanamo Bay air a bhith a’ toirt seachad fianais aig tribiunal armailteach agus ag innse gu mionaideach mu bhith a’ cleachdadh waterboarding agus dòighean borb eile air ceannardan al-Qaida. Tha an saic eòlaiche Dòmhnall Macleòid a’ thoirt sùil air na diofar dhòighean ceasnachaidh borba bh’ aca agus a’ bhuaidh a tha cleachdaidhean dha leithid a toirt orrasan a tha an sàs th’annta agus iadsan a tha a' fulaing.

Agus cothrom èisteachd ri Coinneach agus Iain Dòmhnallach nuair a thadhal iad air làrach Bhlàr Chàirinis ann an Uibhist Tuath ann an 2013. bbc.co.uk/coinneach