91Èȱ¬

Cluinnear dè tha muinntir Bhancubhair a' smaoineachadh mun naidheachd gu bheil an Diùc agus Bana-dhiùc Sussex an dùil dachaigh a' dhèanamh dhaib’ fhèin ann an Canada airson pàirt den bhliadhna.

Innsidh am Morair Minginis mu dheidhinn an obair a thathas a' dèanamh anns A’ Phrìomh-chùirt, a’ chùirt is aìrde anns an Rìoghachd. 'S e an t-Albannach am Morair Reed ceann-suidhe ùr na Cùirte às dèidh don Bhean-uasal Hay a dreuchd a leigeil dhith.

Air taobh thall an t-saoghail tha draghan ann gu bheil a’ bheinn-teine Taal anns na h-Eileanan Filipineach an ìmpis spreadhadh. Tha Ciorstaidh Nicilleathain a' toirt iomradh air an t-suidheachadh agus a’ bhuaidh a bheireadh tachartas dha leithid air an sgìre.

Tha draghan cuideachd ann an Indonìsia gu bheil prìomh bhaile na dùthcha ann an cunnart is iad fo thuiltean ri linn dòrtadh do-chreidsinneach. Mu thràth, bha Jakarta ann an droch shuidheachadh air sgath ’s gu bheil i stèidhichte air talamh bog agus tha leth dhen bhaile fo ìre na mara. Gheibhear an tuilleadh fios bho Theàrlach MacIain mu dè ghabhas dèanamh agus a bheil feum aca air prìomh-baile ùr a thogail.

Agus cluinnear mu dheidhinn stoirm-shneachda anns an do chaill triùir am beatha air taobh siar Leòdhais ann an 1884. Tha an sgeulachd aig Ruairidh Màrtainn. bbc.co.uk/coinneach