91Èȱ¬

Tha an còcaire ainmeil Heston Blumenthal air a bhith a’ càineadh daoine a tha frithealadh na h-àiteachan bidhe aige agus a’ togail dealbhan dhan a bhiadh a tha man coinneamh air an truinnsear. Tha e dèanamh dragh dha gu faodadh am biadh fàs fuar air am beulaibh is iad a’ toirt cho fada gan togail agus gu faodadh gu bheil am flash is eile air a fòn dragh a dhèanamh do dhaoine eil e a tha-staigh ag ithe. Am bheil e còrdadh ri daoine a bhith togail agus a' faicinn dealbhan dhaoine eile air na meadhanan sòisealta.

Chuala sinn an dè gun robh Mark Dodson Àrd-oifigear Rugbaidh na h-Alba air àrdachadh pàigheadh fhaighinn a bha a’ ciallachadh gu bheil e a phàigheadh air barrachd air dùblachadh as a bhliadhna a chaidh seachad. Tha e cuideachd air nochdadh ann an cunntais na buidhne gu bheil an suim a tha stiùirichean rugbaidh na h-Alba a’ faighinn air a dhol an àrd gu mòr. Tha an suim a tha luchd stiùiridh air fàd fhaighinn air a dhol suas bho £1.13 muillean gu £2.246 muillean. Cò as a tha airgead Rugbaidh na h-Alba a’ tighinn? Am bheil Mark Dodson agus a cho obraichean airidh air am pàigheadh seo, tha gu leòr cheistean ann mu cho math ‘s a tha an sgioba a’ cluich? Sin agus gu leòr cheistean eile gan cuir air Marie NicMhathain agus air Murray MacLeòid a ytha le chèile a'leannatin agus ag aithris air rudgbaidh.

Tha am fear siubhail Daibhidh Byrne air gealltainn nach tig e air itealan anns a’ bhliadhna a tha romhainn. Se is adhbhar dhan cho dhùnadh aige, dìon na h-àrainneachd. Ach saoil cò ris a bhios sin coltach do dh'fhear a tha cho measail air siubhal? bbc.co.uk/feasgar