91Èȱ¬

Uilleam Againne – cò nach do leugh Oor Wullie uaireigin nan òige? Tha an caractar a-nise gu bhith air an àrd-ùrlar ach dè na cuimhneachain a th’ againn air Uilleam agus a charaidean?

Tha Maureen NicLeòid a’ mìneachadh cò th’ ann a Fiona Hill a bha na comhairliche tèarainteachd ann an Ameireaga agus a dh’fhàs ainmeil air sgàth na thuirt i ann an Còmhdhail nan Stàitean Aonaichte.

Cluinnidh Coinneach cuideachd mun sgeulachd beatha annasach aig an Lt Col Iain MacDhòmhnaill, mac Fhlòraidh NicDhòmhnaill, a chuidich am Prionnsa Teàrlach. Mar a tha an Dr Dòmhnall Uilleam Stiùbhart a’ mìneachadh dhuinn tha an sgeulachd gar toirt air feadh an t-saoghail gu na h-Innseachan san 18mh linn.

Agus a bheil ar coin gar tuigsinn? Tha rannsachadh ùr bho Oilthigh Sussex ag ràdh gun aithnich coin fuaimean mhic an duine gu ìre nas mionaidiche na bhathar an dùil. Ach dè cho math is a tha coin gar tuigsinn? Tha ceathrar a tha gu math dèidheil air na coin aca – peataichean agus beathaichean obrach – ag innse na tha iad fhèin a’ smaoineachadh. coinneach@bbc.co.uk