91Èȱ¬

Tha Comhairle Baile Dhùn Èideann a' moladh casg a chur air càraichean air Sràid a’ Phrionnsa. Cluinnidh sinn beachdan muinntir a’ bhaile air a' chùis.

Iomradh air Gina Miller, tè-iomairt agus tè-gnothaich, a tha air an riaghaltas a thoirt gu lagh dà uair agus a th’ air buannachadh. Tha an neach-naidheachd Anna NicLeòid air a bhith a’ rannsachadh eachdraidh beatha Gina Miller agus cluinnidh sinn dè cho cudromach 'sa tha i air a bhith a thaobh Brexit?

Thèid film sònraichte a shealltainn ann an Inbhir Nis san t-Samhain a’ taisbeanadh pàirt inntinneach de dh’eachdraidh na Gàidhealtachd. Am measg na bhios ri fhaicinn tha sgeulachd bho àm an darna cogaidh ann an Inbhir Ghòrdain far an deach tancaichean mòra stòraidh a' chruthachadh am broinn na cnuic faisg air a’ bhaile. Gheibh sinn eachdraidh nan tunailean agus an obair a chaidh a dhèanamh bho Alasdair MacLeòid agus Pàdraig MacAmhlaigh.

Tha gèam sònraichte ga chluich air an 13mh den an ath mhìos ann an Ibrox far am bi seann chluicheadairean a bha a’ cluich do Rangers a’ dol an aghaidh cluicheadairean a bha aig aon àm a' cluich do Liverpool. Tha sinn a' toirt cothrom do chuid de luchd-taic Rangers an sgioba a chòrdadh riuthasan fhaicinn a’ cluich. bbc.co.uk/coinneach