91Èȱ¬

Rinn am 91Èȱ¬ rannsachadh air na cosgaisean a tha an lùib a bhith a' leantainn sgioba ball-coise ann an Alba. Se aon de na prìomh rudan a thàinig am follais nach gabh tiocaid a tha nas saora na fichead not a' cheannach airson gèam anns a’ phrìomh-lìog. Ged a tha an àireamh de dhaoine a bhios a' dol gu geamannan ball-coise ann an Alba nas aìrde na dùthaich sam bith eile 'san Roinn Eòrpa, a rèir gach pearsa agus sluagh na dùthcha, tha gearainean gu leòr ann gu bheil e fada ro dhaor a bhith a' dol a' choimhead gèam. Tha Javen Houston, Aonghas Moireasdan agus Iain Moireasdan a tha a' leantainn ball-coise Albannach a’ toirt am beachdan.
Tha dithis anns na Stàitean Aonaichte ann an staing as dèidh mearachd a dh' fhàg $120,000 anns a’ cunntas-banca aca. Bha còir aig a’ bhanca an t-airgead a chuir gu companaidh ionmhais ach is ann chun a’ chupall a chaidh e – agus chosg iad cha mhòr a h-uile sgillinn dhen bheartas ùr. Bha e trì seachdainean mus tug am banca an aire dhan mhearachd agus tha an dithis a-nis fo chasaidean gun do ghoid iad an t-airgead air sgath ’s gun robh deagh fhios aca nach b’ ann leotha a bha e anns a chiad àite. Tha Faye Nicleoid a' toirt comhairle air dè bu chòir tachairt ann an suidheachadh mar seo.

Agus tha Alasdair Macleòid ag ullachadh na pìosan feòil saor a' cheannaich e fhèin agus Coinneach Mac a' Ghobhainn aig bùth a’ bhùidsear, mar a chual sibh air a’ phrògram an dè. bbc.co.uk/coinneach