91Èȱ¬

An t-seachdain ‘sa tha meas mòr ga dhèanamh orrasan a bha an sàs anns an iomairt gus mac-an-duine a chuir na sheasamh air a' ghealaich airson a’ chiad uair bho chionn leth cheud bliadhna. Tha sinn uile eòlach air ainmean Armstrong, Aldrin agus Collins - na triùir speuradairean a chaidh suas anns an rocaid Saturn V - ach dè mu dheidhinn am fear a' chruthaich an teicneòlas a leig leis na h-Ameireaganaich làmh an uachdar fhaighinn air na Ruiseanaich anns an reis aca suas dha na speuran?
Se Wernher von Braun an t-ainm a bh' air, Gearmailteach aig an robh ceangal connspaideach ris na Nazis aig àm an Darna Cogaidh. Tha Padraig MacAmhlaigh a' toirt sùil air a bheatha.

Mar phàirt de chomharrachaidhean leth cheud bliadhna de Apollo 11, tha cothrom agaibh èisteachd a-rithist ri còmhradh bho 2009 far an robh an t-Urr Iain Mac Aonghais nach maireann, Domhnall Iain MacÌomhair nach maireann agus Morag NicLeòid a' meòrachadh air mar a thug a' ghealach buaidh air bàrdachd is òrain Ghàidhlig.

Agus bidh Coinneach a' bruidhinn ri Morag Rothach às na Hearadh 's i dìreach air a dreuchd a leigeil dhith as dèidh còrr agus deich bliadhna fichead na co-òrdanaiche aig a’ charthannas Crossroads anns an sgìre. bbc.co.uk/coinneach