91Èȱ¬

Rinn an cluicheadair tennis, Johanna Konta, gearain an t-seachdain 'sa mun dòigh san robh cuid de luchd-naidheachd ga ceasnachadh. A bheil cuid a phreasantairean is luchd-aithris ro bhiorach agus ro chruaidh uaireannan? Dè tha dèanamh neach-lìbhrigidh math nuair a thig e gu bhith faighneachd cheistean? Cò an fheadhainn a tha a còrdadh ribh agus cò an fheadhainn nach eil?

Thairis air na ceithir seachdainean a tha romhainn, tha sinn a' toirt sùil air maitheas-bìdh còmhla ri Catriona MacIlleBhàin, a tha dèanamh ceum sa chuspair aig Oilthigh Obar Dheathain. Dè a’ bhuaidh a th' aig biadh air ar bodhaigean aig diofar amannan de ar beatha agus an t-àite a th’ aig biadh nuair a tha sinn a’ fulang le diofar thinneasan? An-diugh fhèin tha Catrìona a’ bruidhinn air na biadhan is fheàrr agus is miosa airson tinneas an t-siùcair.

Agus gheibh sinn beachd air prògram a chaidh a-mach air 91Èȱ¬ 2 a-raoir - 8 Days: To The Moon And Back. Tha am prògram a' comharrachadh 50 bliadhna bho laigh Apollo 11 air uachdar na gealaich. Tha an sgeulachd air a h-innse eadar aithrisean is drama agus le criomagan còmhraidh a chaidh a clàradh air bòrd Apollo 11 fhèin. bbc.co.uk/feasgar