91Èȱ¬

Chan e rud ùr a th’ ann an staing poilitigeach san t-saoghal Arabach, ach tha troimh-chèile dha-rìribh ann an Algeria an-dràsta. Le muinntir na dùthcha a’ caismeachd airson seann cheannard na dùthcha atharrachadh, tha Maureen NicLeòid a’ mìneachadh dè th’ air cùl na connspaid.

Cuideachd an-diugh tha Aonghas Dòmhnallach a’ toirt sùil air dreagan – clachan a tha a’ tuiteam gu talamh às na speuran. Le NASA ag ràdh gun do sprèidh tè mhòr os cionn na Ruis san Dùbhlachd, dè dìreach a th’ unnta? Cluinnidh Coinneach cuideachd mu cheistean co-cheangailte ri dreag a thuit – neo nach do thuit – ann an Ùig Leòdhais ann an 1959.

Tha Dòmhnall Iain Dòmhnallach ag aithris air mar a dh’fhaodadh companaidhean teicneòlais stad a chur air bhidiothan ceannairc air na meadhanan sòisealta.

Agus beachdan bho dithis Ghàidheal ann an Dùn nan Gall, an Èirinn air co ris a tha cùisean coltach air a’ Ghàidhealtachd as fhaide tuath sa phoblachd agus ciamar a tha suidheachadh eacanomaigeach, cànain, is sluaigh nan Gàidhealtachdan Èireannach?

bbc.co.uk/Coinneach