91Èȱ¬

Às dèidh latha trang sa phàrlamaid an-dè, a bheil cùisean càil nas soilleir a thaobh Brexit? Sin a’ cheist a tha Coinneach a’ cur air eòlaichean poilitigeach ann an Lunnainn agus feadhainn a tha gu math eòlach air cùisean san Roinn Eòrpa cuideachd.

Air falbh bho Brexit ge-tà, tha Sìonaidh air rud annasach a dhèanamh. Air taobh thall na gealaich tha iad air sìol fhàs air bòrd Chang’e-4, a’ chiad soitheach-fànais a th’ air laighe air uachdar taobh thall na gealaich. Ciamar a chaidh aca air seo a dhèanamh? Agus saoil am fàsadh rudan eile air a’ ghealaich?

Agus aig àm nuair a tha na h-orainsearan Seville a’ nochdadh anns na bùithtean, cò às a tha iad a’ tighinn co-dhiù? Tha Catriona Zoltowska a’ fuireach air iomall baile Seville sa Spàinn. Cluinnidh Coinneach bhuaipe dè seòrsa àite a th’ann – agus cluinnidh e a bheil i fhèin a’ faighinn grèim air orainsearan. bbc.co.uk/coinneach