91Èȱ¬

Chaidh co-dhiù 201 neach a chall air an t-soitheach an Iolaire nuair a chaidh i fodha an dèidh bualadh ann am Biastan Thuilm, faisg air Steòrnabhagh ann an Leòdhas, air a’ chiad là den Fhaoilleach 1919. Bha na fir a bha air bòrd a' tilleadh dhachaigh bhon a’ chiad chogadh. An-diugh tha sinn a’ cur air bhog a’ chiad fhear de shia clàraidhean bho thaisbeanadh ann an Tasglann nan Eilean ann an Steòrnabhagh a tha a’ cuimhneachadh air an tachartas uabhasach. Tha am Pròiseact Èistidh aig Feasgar mu dheidhinn smuaintean dithis air cuid de na rudan a tha anns an taisbeanadh seo. Tha a’ chiad chòmhradh eadar Marina Mhoireach agus Dòmhnall Iain Mac Risnidh agus iadsan a’ meòrachadh air crios-sàbhalaidh agus na sgeulachdan a dh’ fhaodadh e innse.

Dh’innse Netflix bho chionn ghoirid gu robh iad air cead fhaighinn na leabhraichean aig Roald Dahl a sgaoileadh a-rithist air an t-seanail. Chì sinn iad mar beò-dhearbhachaidhean, animations, agus mu thràth tha fèill mhòr orra. Tha cothrom eile againn èisteachd an-diugh ri còmhradh a bha againn ann an 2016 mun tarraing a tha ann an sgrìobhaidhean Roald Dahl dha sean agus òg.

Agus le àm nam pantos air tighinn mun cuairt uair eile, cluinnidh sinn a-rithist bho Chalum Dòmhnallach bho t-sreath a rinn e mu dheidhinn taighean cluiche. An-diugh An Dundee Rep. bbc.co.uk/feasgar