91Èȱ¬

Airson Rudolph a chruthachadh, feumar siosar, bocsa-uighean, peant donn, cairt donn, sùilean googly, bauble dearg agus glaodh.
1. Iarr air inbheach am bocsa-uighean a ghearradh ann an sia pìosan.
2. Cuir dath air na sia pìosan le peant donn.
3. Fhad ‘s a tha thu a’ feitheamh ris a' pheant tiormachadh, dèan na h-adhaircean agus na cluasan a-mach às a’ chàirt dhonn. 
4. Iarr air inbheach na cluasan agus na h-adhaircean a ghearradh a-mach dhuibh.
5. Nuair a tha am peant tioram, cleachd an glaodh airson na cluasan, na h-adhaircean, an sron dearg agus na sùilean googly a steigeil sìos. 
6. Nuair a tha an glaodh tioram, faodar pìos sreang no ribean a chuir tron mhullach agus faodar Rudolph a chrochadh air a’ chraobh Nollaig.

Airson na sèinichean pàipear, feumar striopan pàipear dathteach, gliotar, glaodh, steigearan, pinn agus teip a tha steigeach air an dà thaobh. 
1. Cleachd an gliotar, na steigearan agus na pinn airson dealbhan a chuir air na striopan pàipear. 
2. Nuair a tha iad deiseil, cuir pìos teip steigeach dà thaobhach air ceann aon phìos pàipear.
3. Lùb am pàipear gus an steig e ri chèile ann an cumadh cearcall. 
4. Cuir pìos teip steigeach dà thaobhach air striop pàipear eile agus lùb sin tron a’ chearcall a rinn thu.
5. Cùm a’ dol mar seo gus am bi an sèine cho fada ‘s a dh’iarras tu.

Airson na candy canes, feumar pipe cleaners ann an diofar dhathan. 
1. Cleachd dà phipe cleaner de dhiofar dath agus cuir car annta. 
2. Nuair a tha iad ri chèile, lùb pìos beag aig a mhullach airson cruth candy cane a chuir air. 
3. Airson barrachd sgeadachaidh, faodar pìos beag ribean agus glag bheag jingly a chuir orra.