91Èȱ¬

Gheibhear uaipear uaireannan cuideachd, is ged nach eil e soilleir cò às a thàinig am facal, cha mhòr nach eil am fuaim fhèin na dhealbh air dè a tha e a’ ciallachadh. Is dè a nì uidhpear? Uidhpearachd! Cluinnear uaireannan e mu dhaoine a bhios a’ buain mhònadh is a bhuaineas mòine gharbh, churs is a sgaoileas i ann an dòigh nach eil cianail grinn! Cleachdar e cuideachd mu shaor nach eil uabhasach sgileil, no mu dhuine sam bith a tha rudeigin amh is aineolach is nach cuir rudan às a làmhan ann an dòigh ro shnasail.

Tha, no bha, ‘logais’ ann an Earra Ghàidheal a’ ciallachadh bròg fhuasgailte a tha air a brèideadh ri chèile. Tha ‘logaiseach’ aca cuideachd, a’ ciallachadh coiseachd ann an dòigh mhì-sgiobalta, cas-ma-sheach - mar a dhèanamh tu, tha mi creidsinn, nam b’ e ‘logais’ a bha air do chasan an àite ‘lòrns’.

Ann an ceàrnaidhean eile tha ‘logais’ a’ ciallachadh duine mòr, mì-sgiobalta – slaod no bumailear duine nach eil snasail an dòigh sam bith – an seòrsa duine a chleachdadh ‘logais’ air a chasan, ‘s dòcha.
Tha logais cuideachd uaireannan a’ ciallachadh rud mì-sgiobalta sam bith.

Clisg-phuing - exclamation mark
Sgudal-dealain - junk mail
Seach-rathad - bypass, byway
Trasdan - diagonal; crossbeam; crozier; crutch; stilt
Iomall-bhaile - suburb