91热爆

My Gudedame was a gay wif, bot scho was ryght gend,
Scho duelt furth fer into France, apon Falkland fellis;
Thay callit her Kynd Kittock. quhasa hir weill kend:
Scho was like a caldrone cruke cler under kell;
Thay threpit that scho deit of thrist, and maid a gude end.
Efter her dede, scho dredit nought in hevin for to duell,
And sa to hevin the hieway dreidless scho wend.
Yit scho wanderit and yeid by to an elriche well.
Scho met thar, as I ween,
Ane ask ridant on a snaill,
Scho cryit, "ourtane fallow haill!"
And rade ane inche behind the taill,
Till it wes neir evin.

Mother Louse, AlBy David Loggan

God lukit and saw hir lattin in, an lewch his hairt sair.

Sa scho had hap to be horsit to her herbry
Att an ailhous neir hevin it nyghttit thaim thare;
Scho deit of thrist in this warld, that gert hir be sa dry,
Scho never eit, bot drank our mesur and mair.
Scho slepit quhill the morn at none, and rais airly;
And to the yettis of hevin fast can the wife fair,
And by Sanct Petir, in at the yet scho stall prevely;
God lukit and saw hir lattin in, an lewch his hairt sair.
And thar, yeris sevin,
Scho levit a gud life,
And was oor Ladyis hen wif;
And held Sanct Petir at strif,
Ay, quhill scho wes in hevin.

Sche lukit out on a day, and thoght ryght lang
To se the alehous beside in till ane evill hour;
And out of hevin the hie gait cought the wif gaing
For to get hir ain fresche drink the aill of hevin wes sour.
Saint Petir hat hir with a club, quhill a gret clour
Rais in hir heid, becaus the wif yeid wrang.
Than to the alehouse agane scho ran, the pycharis to pour,
And for to brew and baik.
Frendis, I pray yow hertfully,
Gif you be thristy or dry,
Drink with my Guddame, as ye ga by,
Anys for my saik.