91Èȱ¬

Gêm gyfartal gafodd tîm Cymru oddi cartref yn erbyn Wcráin yn rowndiau rhagbrofol Euro 2025 nos Fawrth.

Wedi gêm gyfartal 1-1 yn erbyn yr un gwrthwynebwyr ar Barc y Scarlets nos Wener ddiwethaf, roedd yn rhaid i Gymru ennill y gêm hon a oedd yn cael ei chwarae mewn stadiwm niwtral yng Ngwlad Pwyl.

Wedi hanner awr gyntaf ddi-sgôr, Wcráin aeth ar y blaen gyda gôl gan Kalinia.

Er hynny, fe wnaeth y Cymry sgorio dwy gôl o fewn munudau i’w gilydd yn yr ail hanner.

Kayleigh Barton sgoriodd y gyntaf o’r smotyn gyda Jess Fishlock yn ychwanegu ail gôl wych ddwy funud yn ddiweddarach.

Gyda'r Cymry yn edrych fel eu bod ar fin cipio buddugoliaeth gampus, tarodd Wcráin yn ôl yn y funud olaf o amser ychwanegol drwy beniad Nicole Kozlova.

Yn sgil y canlyniad, mae Cymru'n syrthio i'r ail safle yn y grŵp.