91Èȱ¬

Mae'r grwpiau ar gyfer Cwpan Rygbi'r Byd y Merched 2025 wedi cael eu cyhoeddi.

Fe fydd Cymru yn chwarae yng ngrŵp B gyda'r Alban, Canada a Fiji.

Dyma fydd yr eildro yn olynol i Gymru herio'r Alban yn rownd y grwpiau yng Nghwpan y Byd - gyda Chymru yn fuddugol nôl yn 2022.

Fe aeth Cymru allan o'r gystadleuaeth honno ar ôl cael eu trechu'n gyfforddus gan Seland Newydd yn rownd yr wyth olaf.

Fe fydd y gystadleuaeth y flwyddyn nesaf yn cael ei chynnal yn Lloegr gyda'r cyfan yn dechrau yn Twickenham ar 22 Awst.

Fe fydd y rownd derfynol yn cael ei chynnal ar 27 Medi.