Clybiau Cymru'n cael gwybod eu gwrthwynebwyr yn Ewrop
Llwyddodd Caernarfon i gyrraedd Ewrop am y tro cyntaf yn hanes y clwb ar 么l trechu Penybont yn y gemau ail gyfle
- Cyhoeddwyd
Mae pedwar o glybiau'r Cymru Premier wedi cael gwybod eu gwrthwynebwyr yn rowndiau rhagbrofol Ewrop wedi i'r enwau ddod allan o'r het yn Y Swistir ddydd Mawrth.
Bydd pencampwyr Cymru, Y Seintiau Newydd, yn herio FK Decic o Montenegro yn rownd ragbrofol gyntaf Cynghrair y Pencampwyr.
Bydd y cymal cyntaf gartref ar Neuadd y Parc ar 9/10 Gorffennaf, a'r ail gymal oddi cartref ar 16/17 Gorffennaf.
Llwyddodd Caernarfon i gyrraedd Ewrop am y tro cyntaf yn hanes y clwb ar 么l trechu Penybont yn y gemau ail gyfle.
Eu gwobr nhw ydy wynebu Crusaders FC o Ogledd Iwerddon yn rownd ragbrofol gyntaf Cyngres Europa (Europa Conference League).
Yn yr un gystadleuaeth bydd Cei Connah yn herio NK Bravo o Slofenia, tra bo'r Bala yn wynebu Paide Linnameeskond o Estonia.
- Cyhoeddwyd18 Mai
- Cyhoeddwyd2 Mawrth
- Cyhoeddwyd28 Ebrill
Bydd cymal cyntaf y gemau hynny ar 11 Gorffennaf, tra bo'r ail gymal ar 18 Gorffennaf.
Fe fydd Caernarfon a'r Y Bala yn chwarae'r cymal cyntaf gartref, tra bod Cei Connah oddi cartref ar gyfer y g锚m gyntaf.
Bydd Caernarfon yn chwarae eu g锚m gartref yn stadiwm eu gelynion pennaf - Stadiwm Nantporth Bangor - ac yno y bydd g锚m gartref Cei Connah hefyd, am fod y stadiwm yn cyrraedd gofynion UEFA.
Fe fydd Y Bala yn chwarae eu g锚m gartref nhw yn stadiwm Y Seintiau Newydd yng Nghroesoswallt - Neuadd y Parc.