91Èȱ¬

Roedd bachgen 10 oed o Lyn Ebwy wedi crogi ei hun yn ddamweiniol tra'n chwarae gyda ffrindiau, clywodd cwest.

Roedd Lewi Sullivan o Rasa ger Glyn Ebwy yn chwarae yn y parc ddydd Gwener, 1 Medi pan ddaeth o hyd i raff o amgylch coeden.

Mewn "ffordd chwareus" nodwyd iddo ddweud y byddai'n crogi ei hun.

Cafodd y rhaff ei gosod o amgylch ei wddf ac ar ddamwain fe ddisgynnodd Lewi.

Clywodd y cwest bod ffrindiau wedi ceisio helpu a bod aelod o'r cyhoedd a oedd yn digwydd pasio wedi ei ryddhau o'r goeden.

Wedi i'r parafeddygon gyrraedd aed ag ef i Ysbyty Athrofaol Cymru yng Nghaerdydd ond bu farw dridiau'n ddiweddarach ar 4 Medi.

Nodwyd mai anaf i'r ymennydd o isgemia hypocsig a chrogi hypocsig oedd achos ei farwolaeth.

Cafodd y cwest ei ohirio tan 14 Mai 2024.

Wrth roi teyrnged i'w fab yr wythnos ddiwethaf, dywedodd ei dad Nigel Sullivan bod "Lewi yn fab ffantastig, gofalgar a thyner".