Cymru'n gwrthod herio Rwsia mewn undod ag Wcráin

Ffynhonnell y llun, Huw Evans picture agency

Ni fydd Cymru'n wynebu Rwsia mewn unrhyw gêm bêl-droed "yn y dyfodol agos" er mwyn dangos undod ag Wcráin.

Dywedodd Cymdeithas Bêl-droed Cymru ei bod yn teimlo "tristwch a sioc eithriadol" yn dilyn ymgyrch filwrol Rwsia.

Mae gwledydd fel Lloegr, Sweden a Gwlad Pwyl eisoes wedi dweud na fyddan nhw'n chwarae gemau pêl-droed ar unrhyw lefel yn erbyn Rwsia.

Mewn datganiad nos Sul, dywedodd y gymdeithas ei bod yn "sefyll mewn solidariaeth gydag Wcráin" ac yn cydymdeimlo â'r bobl.

I osgoi neges Twitter
Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen Twitter a cyn derbyn. Er mwyn gweld y cynnwys dewiswch ‘derbyn a pharhau’.

Gallai hysbysebion ymddangos yng nghynnwys

Diwedd neges Twitter

Dywedodd y Prif Weinidog, Mark Drakeford fod y llywodraeth yn "croesawu'r penderfyniad".

"Mae Cymru yn sefyll mewn undod gydag Wcráin," meddai.