91热爆

Chwaraewyr Cymru o blaid cynnal gemau Chwe Gwlad yn Lloegr

Louis Rees-ZammitHuw Evans picture agency

Mae Louis Rees-Zammit wedi dweud ei fod o blaid cynnal gemau yn Lloegr gyda thorf

Mae chwaraewyr rygbi rhyngwladol presennol ac o'r gorffennol wedi cefnogi chwarae gemau Cymru ym Mhencampwriaeth y Chwe Gwlad yn Lloegr.

Ddydd Mercher dywedodd Undeb Rygbi Cymru bod chwarae gemau gartref dros y ffin yn cael ei ystyried oherwydd y cyfyngiadau Covid-19 yng Nghymru.

Fore Iau, dywedodd cyn-ganolwr Cymru, Tom Shanklin, ei fod yn "opsiwn da" ac y byddai'n "o blaid hynny'n llwyr".

Ar Twitter, mae dau aelod o'r garfan bresennol, yr olwyr Louis Rees-Zammit a Josh Adams, hefyd wedi lleisio eu cefnogaeth.

Nid yw鈥檙 post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.
Nid yw'r 91热爆 yn gyfrifol am gynnwys safleoedd allanol
I osgoi neges twitter gan Louis Rees-Zammit 鈿★笍

Caniat谩u cynnwys Twitter?

Mae鈥檙 erthygl hon yn cynnwys deunydd gan Twitter. Gofynnwn am eich caniat芒d cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae鈥檔 bosib eich bod am ddarllen a cyn derbyn. Er mwyn gweld y cynnwys dewiswch 鈥榙erbyn a pharhau鈥.

Nid yw'r 91热爆 yn gyfrifol am gynnwys safleoedd allanol

Cafodd y rheolau ar gyfer digwyddiadau chwaraeon eu newid gan Lywodraeth Cymru ddiwedd Rhagfyr.

Mae'n golygu nad yw torfeydd yn cael gwylio gemau, gyda'r cyfyngiadau'n berthnasol i bob digwyddiad dan do, awyr agored, proffesiynol a chymunedol.

Fe fydd adolygiad o'r rheolau yr wythnos hon, ond nid oes dyddiad wedi'i bennu ar gyfer newid y cyfyngiadau ar hyn o bryd.

Mae disgwyl i Gymru ddechrau eu hymgyrch yn y Chwe Gwlad ar 5 Chwefror, gyda'r g锚m gartref gyntaf i'w chynnal ar 12 Chwefror.

Pwysleisiodd Tom Shanklin cyfraniad y dorf at greu'r awyrgylch mewn gemau pwysig

Dywedodd Shanklin, cyn-ganolwr a chwaraeodd dros Gymru 70 o weithiau, y byddai o blaid cynnal gemau Cymru yn Lloegr gyda thorf.

"Os na allan nhw chwarae yn Stadiwm Principality, yna dwi'n meddwl ei fod yn opsiwn da oherwydd alla' i ddweud nawr - dwi wedi bod i bob un o'r gemau heb dorf, ac mae'n ddienaid", meddai ar 91热爆 Radio Wales.

"Mae trio creu atmosffer yna, mewn g锚m mor fawr ac mor bwysig, ar ddiwedd y dydd mae'r dorf yn gallu chwarae rhan fawr yn hynny..."

"Ac os yw Lloegr yn cael torfeydd, yna fe fydd hynny ond yn gweithio o'u plaid nhw."

Ychwanegodd: "Felly os yw'r opsiwn o gael torfeydd yn Lloegr ar gael i Undeb Rygbi Cymru, bydden i o blaid hynny'n llwyr."

Wrth ymateb i'r stori ar Twitter, dywedodd asgellwr presennol Cymru, Louis Rees-Zammit, bod rygbi yn "ddim byd heb gefnogwyr", gan ychwanegu: "Gwnewch i hyn ddigwydd!"

Ategu hynny wnaeth ei gyd-chwaraewr i Gymru, Josh Adams, a ddywedodd ei fod yn cytuno.

Mae disgwyl i Gymru ddechrau eu hymgyrch yn y bencampwriaeth yn Nulyn ar 5 Chwefror, gyda'r gemau'n cael eu cynnal dros bum wythnos.

Roedd yn rhaid i Gymru chwarae gemau'r bencampwriaeth y llynedd heb dorf hefyd, ond daeth hyd at 74,000 o bobl i'w gwylio yng ngemau prawf yr hydref.

Pynciau cysylltiedig

Straeon perthnasol