91热爆

Rhyddhau afancod dan drwydded am y tro cyntaf yng Nghymru

Mae afancod Dyffryn Dyfi yn gysylltiad gyda'r gorffennol meddai'r naturiaethwr Iolo Williams

Gan Mari Grug
Newyddion 91热爆 Cymru

Mae'r ddau afanc trwyddedig cyntaf wedi cyrraedd Cymru.

Daeth y p芒r i lawr o'r Alban dydd Gwener, ac maent bellach yn eu cartref newydd ar Gors Dyfi ger Machynlleth.

Mae pysgotwyr a ffermwyr lleol yn gwrthwynebu'r cam, gyda nifer yn poeni am effaith yr afancod ar y dirwedd.

Cyfoeth Naturiol Cymru sydd wedi caniat谩u trwydded i hyd at chwech o afancod gael eu rhyddhau i gorlan gaeedig ar Gors Dyfi.

'Sefydlogi'r ecosystem'

Fe ddiflannodd y mamaliaid o Brydain yn yr 16eg Ganrif ar 么l cael eu hela am eu cig a'u ffwr.

Y gobaith ydy y bydd yr afancod yn helpu symud coed helyg, gydag amgylcheddwyr yn rhestru llu o fanteision eraill mewn sefydlogi'r ecosystem.

Emyr Evans

Roedd y naturiaethwr a'r darlledwr Iolo Williams yn y warchodfa natur i groesawu'r afancod

Yn 么l Undeb Cenedlaethol y Ffermwyr, maen amhosib sicrhau bod anifeiliaid gwyllt yn aros mewn corlan gaeedig.

Mae prosiect arall yn gobeithio sicrhau trwydded i ryddhau 10 p芒r arall o afancod yn rhydd i Afon Dyfi.

Mae'r naturiaethwr Iolo Williams yn croesawu'r afancod i Warchodfa Natur Cors Dyfi gan ddweud: "Mae heddiw'n ddiwrnod mawr iawn achos, o'r diwedd, mae'r afanc yn 么l gyda ni yng nghanolbarth Cymru.

"Am y tro cyntaf ers pedair canrif o leiaf mae 'na gysylltiad gyda'r gorffennol yn 么l.

"Rhaid i ni beidio anghofio bod yr anifeiliaid yma yn gallu creu cynefinoedd gwych ar gyfer bywyd gwyllt.

"Maen nhw'n saff, mewn pen saith erw gyda digon o le a digon o fwyd, a dwi fel un yn falch iawn o weld yr afanc yn 么l."

'Risg o ddianc yn isel iawn'

Mae Ymddiriedolaeth Natur Maldwyn wedi enwi'r afanc mwyaf yn Barti Ddu, am ei fod yn Black Morph, sef math prin o afanc.

Y bwriad yw dod 芒 gweddill y teulu i lawr o'r Alban yn yr wythnosau nesaf.

Emyr Evans

Cafodd yr afancod eu rhyddhau ym Mhowys ar 么l cael eu cludo o'r Alban

Yn 么l Kim Williams, fydd yn gwarchod yr afancod o ddydd i ddydd ar y safle: "Byddwn ni'n defnyddio camera traps a CCTV ar y cae i gadw llygad ar yr afancod.

"Byddwn ni'n dod yma bob dydd i gerdded y ffens ac i wylio sut maen nhw'n ymddwyn yn eu cartref newydd.

"Rydym ni wedi gwneud popeth rydym ni'n gallu i sicrhau bod yr afancod yn aros yn y pen, achos mae gyda ni waith sydd angen ei wneud ar y gwlypdir yma.

"Does dim byd gyda dim risg o gwbl, ond rydym ni'n meddwl bod y risg o'r afancod yn dianc yn isel iawn."

Pynciau cysylltiedig

Straeon perthnasol