91Èȱ¬

Mae dros 94% o deuluoedd yn dweud fod gwasanaethau seibiant dros dro yn hanfodol iddyn nhw, yn ôl arolwg newydd gan ddau o hosbisau plant Cymru.

Fe ymunodd TÅ· Hafan a ThÅ· Gobaith gyda'i gilydd i holi pobl ifanc a'u teuluoedd beth sydd ei angen arnyn nhw i fyw'r bywyd gorau y gallan nhw.

Nawr maen nhw'n galw ar Lywodraeth Cymru i wrando ar farn y teuluoedd ac i gyd-weithio ymhellach i greu dyfodol mwy cynaliadwy i'r gwasanaethau.

Dywedodd Llywodraeth Cymru eu bod eisoes wedi rhoi £1.5m o gyllid brys i'r hosbisau plant a'u bod yn "parhau i weithio gyda hosbisau i ddeall eu gofynion cyllido yn y dyfodol".

Fe wnaeth dros 130 o deuluoedd sy'n defnyddio gwasanaethau'r ddwy hosbis ymateb i'r holiadur.

Dywedodd y mwyafrif llethol mai dim ond y canolfannau yma oedd yn cynnig y gofal priodol i'w plant a fyddai wedyn yn eu caniatáu nhw i gael 'ysbaid angenrheidiol'.

"Mae'r ymateb i'r adroddiad yn anhygoel," meddai Angharad Davies, pennaeth gofal TÅ· Gobaith.

"Y prif anghenion yw gofal ysbaid, a beth sydd yn dod ar draws [yn yr arolwg] yw faint mae teuluoedd yn ddibynnol ar hosbis.

"Mae 85% o'r teuluoedd yn dweud bod y gefnogaeth mae nhw yn cael gan hosbis yn hanfodol, ac mae jyst yn reit ofnus bod y teuluoedd 'ma mor dibynnol ar wasanaeth sydd mor ddibynnol fel elusen."

Dywedodd 92% o'r rheiny a gafodd eu holi eu bod nhw wedi profi caledi ariannol o ganlyniad i salwch eu plant.

Roedd dwy ran o dair o'r teuluoedd yn dweud nad oedden nhw'n gallu cymryd seibiant pan oedd ei angen arnynt.

Dywedodd 92% o'r rhieni a holwyd hefyd bod cael noson dda o gwsg yn gwneud gwahaniaeth mawr iddyn nhw.

Stori Bedwyr

Mae gan Bedwyr y cyflwr geneteg Syndrome Coffin-Siris, sy'n golygu bod ganddo lawer o anghenion ychwanegol.

Mae'r bachgen pump oed yn cael pedwar sesiwn y flwyddyn yn Nhŷ Gobaith ac yn ôl ei fam mae'n "adnodd hollol wych" i'r teulu cyfan wrth iddyn nhw helpu ei mab pump oed i ymdopi gyda'i gyflwr.

"Mae'r ychydig ddyddiau yn yr hosbis yn hollol bwysig," meddai Nerys Haf Davies o Lanrwst.

"'Di o methu llyncu yn iawn felly mae ganddo fo peg yn ei fol - sy'n golygu bod o'n cael diod trwy hwnnw.

"Mae'n neis peidio cael y gofynion arno ni fel teulu i neud yr holl bethau hefo Bedwyr, bod ni yn cael ymlacio, ddim gorfod meddwl amdan y bwydo nesa' a pwy sy'n mynd i neud hwnnw.

"Felly mae'r seibiant yn TÅ· Gobaith yn hollol lyfli. Hefyd gan fod Bedwyr yn cael y gofal gwych yma 'da ni'n saff adre yn gallu ymlacio yn gwybod bod Bedwyr yn cael gofal hollol dda yma."

Ychwanegodd: "Mae'n iawn i bobl proffesiynol sôn am be sydd angen a ballu, ond i glywed o ran ochr ni fel teuluoedd mae o yn hollol bwysig achos ni ydi'r bobl sy'n mynd drwyddo fo.

"Ni 'di'r bobl sy'n byw hyn o ddydd i ddydd, ac wrth gwrs mae anghenion bob teulu yn wahanol, a hyn sy'n neis am yr adroddiad mae o yn ymateb i'r ffordd mae bob teulu yn byw ei bywydau hefo plant hefo anghenion.

"Mae'r adroddiad yn wych achos mae o yn rhoi barn teuluoedd, ond dim jyst teuluoedd, mae'n rhoi barn y plant hefyd. Mae hynny'n hollol wych achos does dim byd gwell na chael barn rheini sy'n defnyddio'r adnodd."

'Anhygoel o bwysig'

Dywedodd Angharad Davies o DÅ· Gobaith bod yn rhaid i Lywodraeth Cymru wneud pob dim o fewn eu gallu i roi cymorth i'r teuluoedd.

"Be 'da ni isio gan y llywodraeth ac awdurdodau lleol ydy i weithio hefo ni - a bod yr adroddiad yma yn siapio sut ydyn ni yn neud penderfyniadau a beth ydyn ni yn cynnig i deuluoedd," meddai.

"'Di o ddim yn adroddiad hawdd i ddarllen. Mae'r teuluoedd yma wedi rhannu eu profiadau, a dwi'n teimlo bod y teuluoedd angen rhannu eu profiadau er mwyn i bobl wrando."

Wrth ymateb i'r adroddiad dywedodd Llywodraeth Cymru: "Mae hosbisau yng Nghymru yn darparu gwasanaethau anhygoel o bwysig.

"Rydym wedi dyrannu hyd at £1.5m o'r cyllid brys o £6.3m a gyhoeddwyd ar gyfer hosbisau ym mis Ebrill 2020 i gefnogi hosbisau plant.

"Rydym wedi ymestyn argaeledd y cyllid o chwech i 12 mis ac yn parhau i weithio gyda hosbisau i ddeall eu gofynion cyllido yn y dyfodol."