Rhybudd i deithwyr trenau sy'n camymddwyn dros y Nadolig
- Cyhoeddwyd
Nadolig: 'Teithwyr trenau'n anghofio sut i fihafio'
Mae teithwyr ar draws Cymru yn cael eu hannog i barchu cyd-deithwyr dros gyfnod y Nadolig mewn ymgyrch i gadw pobl yn ddiogel dros yr 诺yl.
Mae'r cyfnod cyn y Nadolig yn gweld cynnydd sylweddol yn nifer y digwyddiadau, sy'n amrywio o bobl yn syrthio, i droseddau mwy difrifol.
Ar gyfartaledd, mae 25 digwyddiad y dydd drwy'r DU dros yr 诺yl - dwywaith cymaint o gymharu 芒'r misoedd blaenorol.
Ym mis Rhagfyr 2018 yng Ngorsaf Caerdydd Canolog, cafodd 30 eu harestio, 83 eu holi, gyda dros 100 yn cael eu taflu allan.
Daw'r rhybudd wrth i Trafnidiaeth Cymru a Heddlu Trafnidiaeth Prydain ddechrau ar eu hymgyrch fwyaf erioed ar y cyd.
'Effaith ar gannoedd o deithwyr'
Yn ystod yr wythnosau cyn 'Gwener Gwallgo' eleni - 20 Rhagfyr - mae nifer o ddigwyddiadau eisoes wedi cael effaith ar wasanaethau yn 么l Ioan Jenkins, Cyfarwyddwr Datblygu Trafnidiaeth Cymru.
"Bu'n rhaid i ni atal dros 200 o bobl rhag parhau 芒'u taith yng Nghaerdydd ddydd Gwener diwethaf oherwydd doedden ni ddim yn credu eu bod hi'n ddiogel iddyn nhw deithio," meddai.
"Ddoe, welon ni bod 27 o drenau wedi cael eu heffeithio ar 么l digwyddiad treisgar ar y rhwydwaith. Felly mae'n cael effaith yn y pen draw ar gannoedd o deithwyr."
Dywed Ioan Jenkins o gwmni Trafnidiaeth Cymru eu bod nhw eisoes yn atal pobl ar drenau
Gan ganolbwyntio ar ddyddiau Gwener a Sadwrn drwy gydol mis Rhagfyr, bydd ymgyrch Genesis yn arwain at gynnydd yn niferoedd y swyddogion ar y trenau ac yn y gorsafoedd.
Bydd hefyd heddlua cudd er mwyn targedu problemau fel ymddygiad gwrth-gymdeithasol, dwyn, ac anrhefn sy'n deillio o feddwdod.
Mae'r ymgyrch yn anelu i atal trosedd a rheoli'r bobl sydd wedi yfed gormod rhag teithio, yn ogystal 芒 chynnig hyder, cefnogaeth a chyngor i deithwyr eraill.
'Mas unwaith y flwyddyn'
Yn 么l y Sarjant Simon Livsey, mae'r sefyllfa wedi gwaethygu dros y blynyddoedd diwethaf.
"Dwi'n credu fod mwy o bobl erbyn hyn yn mynd mas unwaith y flwyddyn yn unig, a hynny dros gyfnod y Nadolig," meddai.
"Maen nhw wedi gorffen gwaith, yn mynd mas, yn yfed gormod o lawer ac yna'n cael tr锚n i fynd adre' ac yn anghofio shwt i ymddwyn.
"Mae'n ardal gyfyng, mae'r tr锚n yn brysur iawn dros gyfnod yr 诺yl, ac mae 'na beryg y gallech chi gwympo oddi ar y tr锚n, rhwng y platfform, neu hyd yn oed ar y traciau eu hunain.
"Dwi'n credu fod pobl yn anghofio shwt i fihafio wedi iddyn nhw yfed."