91热爆

Pleidiau yn gwrthwynebu cytundeb Brexit yn y Cynulliad

SeneddGetty Images

Mae Mark Drakeford yn dweud bod angen mwy o amser i'r Cynulliad graffu ar y mesur

Mae ACau wedi datgan eu gwrthwynebiad i gytundeb Brexit Boris Johson, gyda Mark Drakeford yn dweud y byddai'n niweidiol i Gymru.

Pleidleisiodd 37-16 yn gwrthwynebu'r ddeddfwriaeth oedd yn cael ei drafod gan aelodau seneddol yn Nh欧'r Cyffredin yn ddiweddarach ddydd Mawrth.

Mae Mr Drakeford wedi galw ar yr Undeb Ewropeaidd i ganiat谩u estyniad a gadael i'r llywodraethau datganoledig graffu ar y ddeddfwriaeth

Dywedodd arweinydd y Ceidwadwyr yn y Cynulliad, Paul Davies, fod Mr Drakeford yn "gwrthddweud dymuniadau pobl Cymru".

Johnson am bwyso am etholiad

Dywedodd Llywodraeth y DU ddydd Mawrth y byddai'n rhoi'r gorau i geisio cael cytundeb Brexit Mr Johnson trwy D欧'r Cyffredin os yw ASau'n pleidleisio yn erbyn amserlen tri diwrnod i'w gymeradwyo.

Yn 么l Mr Johnson, pe bai'r rhaglen yn cael ei wrthod a'r UE yn caniat谩u estyniad, bydd yn pwyso am etholiad cyffredinol.

Yn y Cynulliad ddydd Mawrth bydd ACau'n trafod cynnig gan Lafur Cymru a Phlaid Cymru sy'n datgan ei fod "yn peidio 芒 chytuno i fil y Cytundeb Ymadael, fel y'i cyflwynwyd yn Nh欧'r Cyffredin".

Mae Mr Drakeford wedi datgan y byddai cytundeb Brexit Mr Johnson yn "gwneud Cymru'n dlotach", a'i fod yn waeth na chytundeb Theresa May.

Getty Images

Bydd y ddadl ar y cynnig yn cael ei chynnal yn y Cynulliad ddydd Mawrth

Os ydy'r mesur yn mynd yn ei flaen mae'n debyg y bydd angen i ACau ei gymeradwyo'n ffurfiol, ond mae Llywodraeth y DU yn gallu anwybyddu eu penderfyniad.

Mae Mr Drakeford wedi ysgrifennu llythyr ar y cyd 芒 Phrif Weinidog Yr Alban, Nicola Sturgeon, yn datgan bod y llywodraethau datganoledig angen mwy o amser i graffu ar y mesur cyn y mae'r DU i fod i adael yr UE ar 31 Hydref.

'Rhwystredig'

Yn ystod y ddadl, dywedodd arweinydd y Ceidwadwyr yn y Cynulliad, Paul Davies, ei fod yn "rhwystredig clywed y prif weinidog yn gwrthddweud dymuniadau pobl Cymru".

Ond dywedodd Arweinydd Plaid Cymru, Adam Price, mai'r hyn sy'n digwydd ydy "gwleidyddiaeth yn gweithio drwy ddadleuon chwerw a bygythiadau".

Dywedodd Mandy Jones o Blaid Brexit: "Dyw'r mesur yma yn ddim ond stynt i Lywodraeth Cymru a'i chynorthwywyr."

Mae llywodraeth Lafur Cymru yn gwrthwynebu Brexit ac eisiau cynnal refferendwm arall ar y mater.

Straeon perthnasol