Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Nodi 50 mlynedd ers arwisgiad Tywysog Cymru
Ffynhonnell y llun, Getty Images
Bydd Palas Buckingham yn dathlu elusennau, sefydliadau a busnesau Cymreig mewn derbyniad i nodi 50 mlynedd ers arwisgiad Tywysog Cymru.
Dywedodd y Teulu Brenhinol bod y digwyddiad ddydd Mawrth yn cydnabod gwasanaeth y Tywysog i Gymru.
Daw wrth i arolwg barn gan 91热爆 Cymru ddarganfod bod 62% o'r rhai a holwyd yng Nghymru yn erbyn diddymu'r frenhiniaeth.
Yn 么l yr ymchwil, 18% oedd eisiau cael gwared ar y frenhiniaeth.
50% o blaid Tywysog newydd
Fe wnaeth yr arolwg ddarganfod hefyd bod 50% o'r rhai a holwyd o blaid cael Tywysog Cymru newydd pan fydd Charles yn dod yn Frenin, gyda 22% yn dweud na ddylid cael Tywysog newydd.
Cafodd y Tywysog Charles ei wneud yn Dywysog Cymru yn naw oed yn 1958, ond ni gafodd ei arwisgo gan y Frenhines nes mis Gorffennaf 1969, a hynny yng Nghastell Caernarfon.
Yn 么l ymchwil 91热爆 Cymru roedd 41% o'r rhai a holwyd yn ffafrio arwisgiad tebyg i'r un yng Nghaernarfon.
Roedd 20% eisiau seremoni wahanol i'r un yn 1969, tra bod 30% ddim eisiau arwisgiad o gwbl.
Bydd y Frenhines, Tywysog Cymru, Duges Cernyw, Dug a Duges Caergrawnt a Dug a Duges Sussex ymysg y rheiny fydd yn mynychu'r derbyniad.
