Pitching In wedi 'colli cyfle?'
- Cyhoeddwyd
Nos Fawrth 13 Chwefror, cyrhaeddodd gyfres gomedi ddrama newydd 91Èȱ¬ Cymru, Pitching In, ein sgriniau.
Roedd llawer o edrych ymlaen wedi bod am y gyfres, sydd wedi cael ei lleoli ar faes carafanau ar Ynys Môn, gyda chymhariaethau'n cael eu gwneud â chyfres lwyddiannus arall wedi ei lleoli yng Nghymru - Gavin & Stacey. Mae dau o sêr y gyfres honno hefyd yn actio yn Pitching In - Larry Lamb a Melanie Walters - ac roedd disgwyliadau pobl yn uchel.
Larry Lamb fel Frank Hardcastle yn 'Pitching In'
Fodd bynnag, er fod ambell i neges gadarnhaol wedi bod ar y cyfryngau cymdeithasol yn dilyn y bennod gyntaf, roedd yr ymateb, ar y cyfan, yn negyddol, gyda nifer o'r farn nad oedd yn cyrraedd y safon.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Siaradodd Yr Athro Ruth McElroy o adran Diwydiannau Creadigol Prifysgol De Cymru am y gyfres ar Taro'r Post, gan ei disgrifio fel cyfle a gafodd ei golli, a'r bennod gyntaf yn "wirioneddol ofnadwy".
"O'n i'n teimlo'i fod yn raglen gwarthus. O'n i isho gweld rhywbeth gymaint gwell gan 91Èȱ¬ Cymru. Yn amlwg, mae 'na raglenni gwych wedi bod ar ein sgriniau gan 91Èȱ¬ Cymru, fel Keeping Faith - ond o'n i jyst yn synnu bod yr ansawdd yma yn gallu bod ar sgrin.
"Dwi'n deall fod strategaeth 91Èȱ¬ Cymru wedi datblygu'n dda dros y blynyddoedd diwetha' - mae 91Èȱ¬ Cymru wedi llwyddo i ennill mwy o arian i fuddsoddi i ariannu rhaglenni o Gymru. Ond yn anffodus, os mai dyma'r math o allbwn, Duw a ŵyr be' allwn ni ei 'neud. Mae'n rhaid i ni gael rhaglenni gwell."
Ac nid oedd yr awdur Bethan Gwanas wedi mwynhau'r arlwy 'chwaith...
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Ble mae'r gogleddwyr?
Un o'r cwynion mwyaf am y rhaglen yw nad oes cymeriadau sy'n siarad ag acen ogleddol nac yn siarad Cymraeg, er mai ar Ynys Môn mae'r gyfres wedi ei lleoli a'i ffilmio:
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Roedd Ruth McElroy hefyd wedi ei "siomi" gyda'r acenion, ac nad oedd y rhaglen yn "teimlo'n gredadwy i Ynys Môn a Gwynedd".
Galwodd hyn yn "gastio diog".
Roedd hyn hefyd yn rhywbeth roedd Huw Marshall yn cwyno amdano ar raglen Taro'r Post.
"Dychmygwch fod rhywun yn gwneud cyfres yn Lerpwl a bod 'na mond un scowsar a bod gweddill y cast yn dod o Fanceinion? Mae lleoli rhywbeth fel hwn yn Sir Fôn, dim gair o Gymraeg yn y peth, un actores o Ogledd Cymru yn y cast i gyd, yn warthus."
Diolch am Star Trek am gynnwys y Gymraeg mewn rhaglen ddiweddar, oedd gwaedd Bailey:
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
"Darlun gwbl ffals" o Gymru
Soniodd Huw hefyd am y buddsoddiad sydd wedi bod gan y 91Èȱ¬ yn ddiweddar o £85m i gynhyrchu mwy o raglenni Cymreig eu naws, ond nad oedd yn credu fod yn gyfres yma wedi taro'r nod.
"Roedd ymchwil yn dangos fod pobl Cymru eisiau gweld mwy o gynrychiolaeth gan Gymru ar y rhwydwaith.
"Os mai dyna oedd y bwriad, ein bod ni'n cael yr arian yma i ddangos Cymru i weddill Prydain, maen nhw am gael darlun gwbl ffals o be' ydi bywyd yng Nghymru."
Roedd eraill hefyd yn credu nad oedd y gyfres yn adlewyrchiad deg o Gymru, ac yn llawn stereoteipiau:
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Ond Garmon Ceiro sydd â'r gair olaf am iddo brofi profiad gwbl ddieithr iddo tra'n gwylio'r rhaglen. Mi ddaw eto haul ar fryn!
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.