91热爆

Atgofion am feirniaid didalent a chael cam ar garreg ei ddrws ei hun oedd gan Huw Edwards pan ymwelodd 芒 maes yr Eisteddfod heddiw.

Cyflwynydd News at Ten yw llywydd y dydd heddiw ac yr oedd yn hael ei ganmoliaeth i waith yr Urdd - er gwaethaf ambell i siom bersonol.

Chwerwder
"Dwi'n parchu amcanion yr Urdd a dwi'n parchu gweithgaredd yr Urdd ac fel plentyn ysgol fe f没m i'n aelod am flynyddoedd a do, mae'n rhaid imi ddweud, gydag ychydig o chwerwder, fe f没m i'n cystadlu sawl gwaith.

"Ond yn anffodus yr oedd yna feirniaid didalent iawn oedd yn methu gweld dawn a thalent

"Felly, yn y gystadleuaeth piano yn Llanelli chefais i ddim hyd yn oed llwyfan - meddyliwch hynny ar fy aelwyd fy hunan!" meddai.

"Y beirniad oedd rhyw Mr Evans ac rwy'n cofio hynny hyd heddiw.

"Ond fe enillo ni yn y ddrama - yn Eisteddfod Llanelwedd dwi'n meddwl - felly rwyf wedi blasu rhywfaint o lwyddiant yn yr Urdd.

"Ond ar 么l siom enfawr Llanelli wnes i ddim cystadlu eto ar y piano - ond rwy'n dal i chwarae'r darn gartref ; darn gan Beethoven, Sonata in G Minor, a dwi'n meddwl erbyn heddi y byddwn i wedi cael llwyfan wedi sawl blwyddyn o bracteiso."

Wrth dalu teyrnged i weithgarwch yr Urdd dywedodd:

"Dros y blynyddoedd mae Cymru wedi bod dan anfantais oherwydd nad oes yna sefydliadau mawr sydd wedi bod yn hybu Cymreictod tan yn ddiweddar iawn - mae'r 91热爆 yn un ohonyn nhw, y Steddfod a'r Brifysgol ac yn y blaen - ond pan ydych chi'n edrych ar yr Urdd, wel mae r么l yr Urdd wedi bod mor bwysig.

"A phan ydych chi'n edrych ar y gwaith y mae'r Urdd wedi ei wneud gyda phobl ifainc ar draws Cymru am ddegawdau , wel mae gen i'r parch mwyaf tuag at y gwaith hwnnw ac felly am y rheswm hynny yn bennaf mae'n bleser mawr gen i fod yma," meddai.

Gwella Llanelli
Cyfeiriodd hefyd at ddatblygiadau yn Shir G芒r gan gynnwys cynllun i adnewyddu'r arfordir yn Llanelli:

"Ac mae yna le," meddai, "i adnewyddu strwythur Llanelli. Mae Caerfyrddin a thipyn o sglein ar y dref ac mae'n bach o siom fod Llanelli yn y cyflwr mae e ar hyn o bryd.

"Ond mae yna lot o waith da ac mae Meryl Gravell yn gwneud lot o waith da o safbwynt adnewyddu tref Llanelli ac mae hynny'n destun balchder mawr i mi ac rwy'n falch iawn i fod yn rhan o'r cais am arian er mwyn codi canolfan ddiwylliant newydd ar safle sydd yn agos iawn i'r hen waith dur," meddai.

Rhagor am Huw Edwards