91热爆

Ym mis Ebrill 2011, bydd Michael Sheen yn wynebu her fwyaf ei yrfa wrth ddychwelyd i'r theatr i chwarae fersiwn fodern o Iesu Grist yng nghynhyrchiad National Theatre Wales o Passion ym Mhort Talbot.

Fel y datgelwyd yn y gyfres deledu Coming 91热爆 ar 91热爆 Cymru, pleser o'r mwya iddo bob amser yw dychwelyd i dref ei fagwraeth ond mae gan Sheen dri mis go ddwys o'i flaen, oherwydd yn ogystal 芒 chwarae'r brif ran, ef hefyd fydd yn cyfarwyddo'r sioe dridiau sy'n cynnwys perfformiadau gan drigolion lleol mewn lleoliadau amrywiol ledled Port Talbot.

Yn wahanol i rai, ni theimlodd Michael Sheen erioed gywilydd o'i filltir sgwar, na'r ysfa i ddianc - yn bennaf am iddo dderbyn mai gadael fyddai'n rhaid os am wneud rhywbeth ohono'i hun.

Oherwydd hynny, tueddai i weld prydferthwch lle gwelai eraill hagrwch ac wrth baratoi ar gyfer y cynhyrchiad mae'n awyddus i wneud yn fawr o ddaearyddiaeth hynod y dre ddiwydiannol - gan ymgorffori mynyddoedd Emroch, Dinas a Margam yn ogystal 芒 thraeth maith Aberafan a'r gweithfeydd dur dramatig - er mwyn denu eraill i brofi perspectif newydd o'r dre.

Ei eni yng Nghasnewydd

Serch ei gysylltiad diamheuol 芒 Phort Talbot, yn ninas Casnewydd y ganwyd Michael Christopher Sheen, ar Chwefror 5, 1969, yn fab i Irene a Meyrick.

Roedd y ddau yn reolwyr adnoddau dynol a phan oedd Michael yn bump oed symudodd y teulu - gan gynnwys ei chwaer fach, Joanne - i Lerpwl am dair blynedd gan ddychwelyd i Gymru ac ymgartrefu ym Maglan.

Tras Wyddelig sydd i'r Sheens - neu'r Sheehans yn wreiddiol, a deithiodd i Gaerdydd ganol y bedwaredd ganrif ar bymtheg.

Mae hanes o fwyngloddwyr a gwehyddwyr ymhlith yr achau sydd wedi'u gwasgaru ledled cymoedd de Cymru.

Ceir hefyd dystiolaeth o Hen Famgu go ddramatig ar ochr ei fam a ymunodd 芒'r syrcas a dianc 'r Amerig i ddofi llewod- cyn dychwelyd i Gymru a setlo yn Aberaeron.

Nid y syrcas, na'r theatr, ddenodd Michael i ddechrau, ond y cae p锚l-droed a thra ar wyliau ar Ynys Wyth yn 12 oed cafodd gynnig chwarae i d卯m ieuenctid Arsenal, ond gwrthododd ei dad y cyfle gan y byddai'n golygu symud y teulu i Lundain.

Cynnig rhyddhad

Er ei ddawn cicio p锚l ar gae chwarae Ysgol Gyfun Glanafan, dechreuodd Sheen ymdiddoru ym myd y ddrama, gan ddarganfod bod actio'n cynnig rhyddhad emosiynol a seicolegol yn ogystal 芒 chorfforol ac ymunodd 芒 Theatr Ieuenctid Cenedlaethol Cymru cyn cael ei dderbyn i goleg yr Old Vic ym Mryste a RADA yn Llundain.

Tra'n fyfyriwr yn RADA, enillodd ran pianydd ifanc yn gyferbyn 芒 Vanessa Redgrave yn When She Danced (1991), gan ddechrau gyrfa lewyrchus ar lwyfan, yn cynnwys cyfnod ddechrau'r Nawdegau gyda chwmni Cheek By Jowl, cyn denu cl么d - a gwobrau niferus - am ei berfformiadau yn Peer Gynt (1994) a Henry V (1997) gyda'r RSC, cynhyrchiad Peter Hall o Amadeus yn yr Old Vic (1998) a Look Back in Anger (1999).

Ers chwarae Lodovico yng nghynhyrchiad Oliver Parker i'r sinema o Othello yn 1995 creodd Sheen yrfa ffilm nodedig yn Hollywood ac ymhlith ei ffilmiau cynnar yr oedd Mary Reilly (1996) gyda Julia Roberts a Wilde (1997) gyferbyn 芒 Stephen Fry, Jude Law a Ioan Gruffudd, Gladiator (2000), a The Four Feathers (2002) gyda Mel Gibson a Heath Ledger.

Bleidd-ddyn

Yna, yn 2003, daeth tro ar fyd - yn bersonol ac yn broffesiynol. Disgleiriodd fel bleidd-ddyn o'r enw Lucian yn yr antur iasoer Underworld, gyferbyn 芒'i gariad Kate Beckinsdale - mam eu merch fach, Lily, a aned ym 1999.

Daeth diwedd i'w perthynas pan ddechreuodd Beckinsdale ganlyn cyfarwyddwr y ffilm honno, Len Wiseman.

Mae Beckinsdale a Wiseman bellach yn briod ac yn byw yn Los Angeles - sefyllfa arweiniodd Sheen i sefydlu yno am ran ran helaeth o'r flwyddyn er mwyn cynnal perthynas 芒 Lily, sy'n golygu ei fod yn gwneud llai o waith theatr nag a fu, a mwy o waith ffilm - gan gynnwys rhannau mewn ffilmiau i blant, fel y Fampir Aro yn y gyfres Twilight (2009-2012) a llais y Gwningen Wen yng nghynhyrchiad Tim Burton o Alice in Wonderland (2010).

Tony Blair

Ond hefyd, tra'n chwarae Caligula ar lwyfan y Donmar Warehouse yn 2003, derbyniodd wahoddiad i chwarae rhan y Prif Weinidog Tony Blair mewn dramateiddiad ar gyfer y teledu o'r cytundeb honedig a wnaethpwyd rhwng Blair a Gordon Brown ynglyn ag arweinyddiaeth y Blaid Lafur, The Deal.

Awdur y ddrama oedd Peter Morgan, ac yn dilyn y darllediad hwnnw ar Sianel 4 daeth Sheen yn enw tipyn mwy cyfarwydd ymhlith gwylwyr teledu ym Mhrydain.

Yn 么l yr hanes, creodd Sheen argraff wael iawn ar Morgan i ddechrau - yn bennaf oherwydd i'w amserlen theatr amharu ar gyfnod ffilmio The Deal - ond mae'n amlwg i'r Cymro ei hudo gan i'r berthynas ddatblygu'n un allweddol yng ngyrfa'r ddau wrth i Morgan ysgrifennu dau ddilyniant i The Deal; The Queen yn 2006 a The Special Relationship yn 2010 a rhan David Frost yn y ddrama lwyfan Frost/Nixon a addaswyd yn ffilm lwyddianus gan Ron Howard yn 2008.

Yn dilyn The Deal llwyddodd Sheen i ehangu ei ap锚l ac ennill cl么d pellach gyda dau berfformiad o ddynion obsesiynol ar deledu; y dioddefwr OCD yn Dirty Filthy Love ar ITV (a sgwennwyd gan yr actor o'r Fflint, Ian Pauleston-Davies) a pherfformiad trydanol yn Fantabulosa! o seren gymhleth y ffilmiau Carry On, Kenneth Williams, ar 91热爆4.

Sicrhaodd y ddau berfformiad ddau enwebiad BAFTA ac yn dilyn ei bortread o David Frost gyferbyn 芒 Frank Langella fel Richard Nixon ar lwyfan Theatr Gielgud y West End ac yna ar Broadway, saethodd ei yrfa i'r stratosff锚r gan olygu y caiff ddewis unrhyw ran y dymuna'i chwarae, ar ffilm neu ar lwyfan, erbyn hyn.

Brian Clough

Efallai mai'r rhyddid hwn sy'n egluro'i benderfyniad i bortreadu un o ffigurau enwoca'r byd p锚l-droed Prydeinig, Brian Clough, yn The Damned United - sef addasiad o gofnod ffuglennol David Peace o gyfnod trychinebus Clough yn rheolwr ei g芒s dim, Leeds United.

Fel gyda Tony Blair a Kenneth Williams, llwyddodd Sheen i gynnig llawer iawn mwy na dynwarediad difyr o gymeriad eiconig.

Diolch i ymchwil trylwyr a meistrolaeth lwyr o'r acen ac ambell ystum, llwyddodd i gyflwyno Clough fel gwrth-arwr llawn gwendidau y gallai'r gwyliwr gydymdeimlo'n llwyr ag ef.

Yn 2010 daeth diwedd i berthynas hir-dymor arall; gyda'r ddawnswraig Lorraine Stewart ac yn dilyn adroddiadau yn y wasg cyhoeddwyd fod Sheen yn canlyn yr actores Rachel McAdams o Ganada - gwlad y bu'n ffilmio ynddi ar gyfer y gomedi rhamantus Jesus Henry Christ, gyferbyn 芒 Toni Collette (Muriel's Wedding) fydd allan yn 2011.

Llwyddodd hefyd yn 2010 i ennill cynulleidfa ehangach trwy gyfrannu i'r gyfres gomedi boblogaidd 30 Rock gyda Tina Fey ac Alec Baldwin, tra hefyd yn ffilmio'r dilyniant i'r clasur cyfrifiadurol Tron. Caiff y blocbyster 3-D hwnnw, Tron: Legacy ei ryddhau toc cyn Nadolig 2010 gyda Jeff Bridges yn dychwelyd i chwarae rhan Kevin Flynn gyferbyn 芒 chymeriad o'r enw Castor y mae Sheen wedi'i ddisgrifio fel, "Albino Ziggy Stardust".

Pan ddychwelodd i Gymru i hel ei achau ar gyfer y 91热爆, derbyniodd hefyd y brif ran yn yr addasiad ffilm o nofel Owen Sheers, Resistance, sy'n cynnig diweddglo gwahanol i'r Ail Ryfel Byd ac sydd wedi'i osod - a'i ffilmio - yng ngororau Sir Fynwy, fydd hefyd allan ddiwedd 2011.

Wynebu Hamlet

Yn goron ar y cyfan - ac yn dilyn y cynhyrchiad Passion ym Mhort Talbot yng ngwanwyn 2011 - mae Sheen wedi ymrwymo i lwyfaniad newydd yr Young Vic o Hamlet, dan gyfarwyddyd Ian Rickworth. Cydweithiodd y ddau yn y gorffenol ar gynhyrchiad o Betrayal Harold Pinter i'r Theatr Genedlaethol, a'r hyn sydd yn apelio at y ddau ydy'r syniad o gyflwyno dehongliad newydd o ddrama sydd wedi'i llwyfanu hyd syrffed a'i thrin fel un cwbl anghyfarwydd.

Yn sicr, dyna drosiad da o waith gorau Sheen hyd yma; wrth daclo eicon or-gyfarwydd, mae e'n cynnig darlun sydd mor agos ati nes disodli'r cymeriad gwreiddiol ac o ymrafael ag anghenfil, mae e'n datgelu dyn y gallwn oll uniaethu ag ef.

Tra bo Meyrick Sheen yn adnabyddus yn lleol am ei ddynwarediad di-hafal o Jack Nicholson mae ei fab yn llawn edmygedd gan nad yw ef erioed wedi gallu dynwared neb - ei ddawn ef, yn hytrach, yw dryllio'r ddelwedd a gwefreiddio'r gwyliwr gyda'r gwir.