91Èȱ¬

"Ac ni fyddai'r hen bregethwyr clasurol yng Nghymru byth yn brin o fedru gwneud hynny," meddai wrth John Roberts ar y rhaglen radio Bwrw Golwg ddydd Sul Tachwedd 2, 2008.

Camp cyfathrebu
Dywedodd mai hanfod pregethu yw cyfathrebu ac mai ystyr wreiddiol y gair hwnnw yw "creu perthynas agos, agos".

"Dwad a phethau yn un â'i gilydd - dyna ydi hanfod ystyr y gair cyfathrebu a dyna ydi gwaith y pregethwr hefyd; dod a'r gynulleidfa a'r pregethwr yn un mewn rhywbeth sy'n fwy na'r cyfan i gyd.

"Yn fwy na'r pregethwr, yn fwy na'r gynulleidfa. Dod a nhw'n un drwy'r cyfathrebu."

'Digwyddiad' mawr
Dywedodd hefyd fod pregeth yn ddigwyddiad neu yn 'event'.

"Mae nifer o ysgolheigion wedi bod yn trafod y gair hwnnw [event]. Mae'n anodd ei gyfieithu i'r Gymraeg - digwyddiad o bosib ond dydi hwnnw ddim yn cyfleu ystyr event yn llawn; y peth anesboniadwy yma sy'n digwydd mewn gwir gyfathrebu."

Parhau'n berthnasol
Ychwanegodd bod pregethu yn rhywbeth sy'n gwbl berthnasol hyd yn oed heddiw:

"Mae o'n rhan o'r comisiwn mawr. Mae'n wir ein bod yn byw yn oes y soundbites, yn oes y dweud bachog ac eto mae pregethu'n berthnasol oherwydd bod yr angen yn fawr .

"Fedr y cyfryngau modern fyth â chyfarfod anghenion dyfnaf pobl. Mae'r [anghenion] rheini yn aros o hyd; ofn, unigrwydd, profedigaethau, siom, gofid a llawenydd a gorfoledd.

"Mae'r anghenion mawr yna ac fe ddylai pregethu fod yn ymgais i gyfarfod â'r anghenion yna yn llawn," meddai.

Gwerthoedd amgen
"Mi ddylai pregethu gynnig gwerthoedd amgen.

"Heddiw, a siarad yn gyffredinol, gwerthoedd y geiniog sy'n mynd â hi bob gafael, Rydym ni'n byw mewn diwylliant sydd i ni yn gwbl ddieithr ac yn wir yn llawn ofn [ond] mae pregethu yn cynnig gwerthoedd amgen sydd yn rhaid i bobl wrthyn nhw yn y diwedd," meddai.