91Èȱ¬

Ailean Dubh à Lòchaidh

Eaglais Chill Chrìosda
© David Greenhalgh

'S e òran gaoil a bhuineas do dh'fhìor thoiseach na 17mh linn a th' ann an Ailean Dubh à Lòchaidh . A rèir choltais, 's ann mu dheidhinn Dòmhnallach à Inbhir Garadh a tha e; fear aig an robh ainm mar dhroch dhuine a bhiodh ri reubadh, a' goid 's a' marbhadh. Ann an sabaid ri Clann 'ic Coinnich an taobh sear Rois, a rèir coltais, mharbh e làn eaglais dhiubh ann an Cille Chrìosd.

Tha e air a ràdh gur e tè de Chlann 'ic Coinnich a rinn an t-òran seo, 's i ann an gaol le Ailean Dubh. Rinn i an t-òran san 17mh linn; àm san robh bana-bhàird tric gan dìochuimhneachadh . Tha e coltach gun deach an duine aig a' bhana-bhàird a mharbhadh san teine, agus a h-athair agus triùir de a bràithrean. A dh'aindeoin a h-uile càil a bha sin, sgrìobh i òran mu Ailean Dubh.

Tha e duilich dèanamh a-mach an ann dha- rìribh a tha i; dh'fhaodadh, ged a thachair na rudan uabhasach seo, gu bheil i fhathast ann an gaol le Ailean, no , dh'fhaodadh gur ann a tha i a' feuchainn ri a beatha fhèin a shàbhaladh, le bhith a' toirt a chreidsinn gur e seo a tha i a' miannachadh 's a' smaoineachadh.

Ìý

³§Ã¨¾±²õ³Ù

'S toil leam Ailean Dubh às Lòchaidh,
Mo ghaol Ailean Donn a' chòta;
'S toil leam Ailean Dubh às Lòchaidh.

Ailein, Ailein, 's àit leam beò thu,
Sguab thu mo sprèidh bhàrr na mòintich,
Loisg thu m' iodhlann choirc' is eòrna,
Mharbh thu mo thriùir bhràithrean òga,
Mharbh thu m' athair is m' fhear pòsta.
'S ged a rinn thu siud 's àit leam beò thu.