拢400,000 i helpu datblygu Amgueddfa Lechi Llanberis

Ffynhonnell y llun, Amgueddfa Cymru

Disgrifiad o'r llun, Bydd yr arian datblygu o 拢412,000 yn helpu'r amgueddfa i wneud cais am grant llawn o dros 拢9m

Mae Amgueddfa Lechi Cymru yn Llanberis wedi derbyn grant o dros 拢400,000 i'w helpu i ddatblygu.

Daw'r arian - 拢412,565 - gan Gronfa Treftadaeth y Loteri Genedlaethol, gyda'r nod o greu dyfodol "mwy disglair i orffennol diwydiannol y DU".

Y gobaith yw y bydd yr arian datblygu yn "trawsnewid yr amgueddfa yn atyniad o safon fyd-eang i ymwelwyr".

Fe fydd yr arian yn galluogi'r amgueddfa i barhau 芒'u cynlluniau i gyflwyno cais am grant llawn o dros 拢9m gan y gronfa yn y dyfodol.

Ffynhonnell y llun, Amgueddfa Cymru

Disgrifiad o'r llun, Cafodd ardal llechi Gwynedd, gan gynnwys yr amgueddfa, eu rhoi ar restr Safleoedd Treftadaeth Byd UNESCO yn 2021

Cafodd yr amgueddfa ei hagor ym 1972 ac fe ddaeth yn Safle Treftadaeth y Byd UNESCO yn 2021.

Wrth dderbyn yr arian datblygu, dywedodd Jane Richardson, prif weithredwr Amgueddfa Cymru bod yr amgueddfa "wrth ein boddau" i dderbyn yr arian datblygu.

"Yn ogystal 芒 thrawsnewid ein hamgueddfa, bydd hyn hefyd yn newid y ffordd y gallwn adrodd hanes tirwedd llechi treftadaeth y byd gogledd-orllewin Cymru," meddai.

"Mae鈥檙 ariannu hwn yn nodi carreg filltir yn hanes yr amgueddfa a bydd yn ein galluogi i gysylltu 芒 chymunedau ar draws Cymru a鈥檙 byd."

Mae Cronfa Treftadaeth y Loteri Genedlaethol yn buddsoddi dros 拢14.8m mewn wyth prosiect gwahanol ar draws y DU.