Ben Lake yw Llywydd Eisteddfod Genedlaethol Ceredigion

Ffynhonnell y llun, Eisteddfod Genedlaethol

Disgrifiad o'r llun, Mae Ben Lake yn Aelod Seneddol dros Geredigion ers 2017

Mae trefnwyr Eisteddfod Genedlaethol Ceredigion wedi cyhoeddi mai'r Aelod Seneddol lleol, Ben Lake fydd Llywydd yr 糯yl eleni.

Ers 2017, mae'r brodor o Lanbedr Pont Steffan, a chyn-ddisgybl yn Ysgol Gyfun Llanbedr Pont Steffan, yn AS Plaid Cymru dros Geredigion.

Mae o bellach yn Is-gadeirydd ar Bwyllgor Materion Cymreig San Steffan ac yn llefarydd ar ddiwylliant i Blaid Cymru yn San Steffan.

Fel rhan o'i r么l bydd yn annerch y gynulleidfa o lwyfan y pafiliwn ar faes y brifwyl, sy'n cael ei chynnal ar gyrion Tregaron rhwng 30 Gorffennaf a 6 Awst.

Fe raddiodd Mr Lake mewn hanes a gwleidyddiaeth yng Ngholeg y Drindod, Rhydychen cyn derbyn Gradd Meistr mewn Hanes Modern Prydeinig ac Ewropeaidd.

Yn ystod ei gyfnod yn y brifysgol, bu'n drysorydd ac yn ysgrifennydd i Gymdeithas Dafydd ap Gwilym.

Bu'n rhan o'r t卯m a drefnodd Eisteddfod Rhydychen yn 2013, ac mae'n parhau yn gefnogwr brwd o'r gymdeithas a'i gwaith.

Mae'n dilyn nifer o Gymry amlwg sydd wedi cael bod yn llywyddion dros y blynyddoedd, gan gynnwys y cyflwynydd a'r DJ, Huw Stephens, yr hanesydd Elin Jones a chyn-reolwr cynorthwyol t卯m p锚l-droed dynion Cymru, Osian Roberts.