Brexit: 'Bydd llais Cymru yn cael ei glywed'

Disgrifiad o'r llun, Roedd Conor Burns AS ar ymweliad yn ne Cymru ddydd Mercher

Bydd llais Cymru yn "cael ei glywed" wrth i'r Deyrnas Unedig lunio polisi masnach ryngwladol 么l-Brexit.

Dyna ddywedodd y Gweinidog Masnach Rhyngwladol, Conor Burns AS, ar ymweliad 芒 de Cymru ddydd Mercher.

Dywedodd ei fod yn "hyderus iawn" y bydd y DU a'r Undeb Ewropeaidd yn taro bargen fasnach un ai cyn neu ar 么l 31 Hydref.

Erbyn hynny, gobaith Prif Weinidog y DU, Boris Johnson yw y bydd y DU wedi gadael yr UE - a hynny gyda neu heb gytundeb.

'Pryderus iawn'

Bu Mr Burns yn ymweld 芒 chwmni Concrete Canvas ym Mhontyclun - cwmni sy'n dweud fod y diffyg manylion o amgylch Brexit yn "bryderus iawn, iawn".

Er mai dim ond tua 6% o nwyddau'r cwmni sy'n cael eu hallforio i wledydd yr UE, mae'n allforio nwyddau i 85 gwlad ledled y byd.

Fel aelod o'r UE, mae'r DU yn rhan o tua 40 o gytundebau masnach sydd gan yr UE gyda dros 70 o wledydd.

Mae'r DU eisiau ailadrodd y cytundebau masnach yma - ond hyd yn hyn 12 o'r 40 gwlad a rhanbarth yn unig sydd wedi cytuno.

Disgrifiad o'r llun, Conor Burns (chwith) gyda chyd-sylfaenydd cwmni Concrete Canvas ym Mhontyclun, Peter Brewin

Dywedodd Peter Brewin, cyd-sylfaenydd y cwmni: "Mae'n annhebygol y bydd y 28 arall wedi'u gwneud o fewn y ddeufis nesaf.

"Dyw e ddim yn rhoi hyder i chi pan mae gennych chi lywodraeth sy'n siarad am yr angen i 'bawb fod yn optimistaidd' heb roi gwybodaeth ar be' allwn ni fod yn optimistaidd oherwydd o ble rwy'n edrych, y ffeithiau a'r ffigyrau rwy'n edrych arnyn nhw, mae'n bryderus iawn, iawn."

Dywedodd Mr Burns: "Rydym yn paratoi'n ymosodol ar gyfer y posibilrwydd y byddwn yn gadael yr UE ar 31 Hydref heb gytundeb.

"Ond mae'n werth nodi wrth gwrs bod y prif weinidog wedi dweud nad dyna'r canlyniad a ddymunir.

"Bydd [Brexit heb gytundeb] yn golygu newid i'r berthynas fasnachu dros dro ond rwy'n hyderus iawn oherwydd ei bod er budd y DU a'r UE i wneud bargen maes o law."

"Rwy'n credu mai'r unig gwestiwn yw a ydyn ni'n cael y fargen honno cyn 31 Hydref neu a ydyn ni'n cael cytundeb masnach rydd gynhwysfawr ar 么l 31 Hydref," ychwanegodd.