Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Sain Ffagan yn ennill gwobr Amgueddfa'r Flwyddyn
Ffynhonnell y llun, Getty Images
Mae Amgueddfa Werin Cymru yn Sain Ffagan wedi cael ei chyhoeddi fel enillydd gwobr Amgueddfa'r Flwyddyn 2019.
Fe ddaeth i'r brig o flaen pedair o amgueddfeydd eraill ar draws Prydain i hawlio'r wobr o £100,000.
Dywedodd Stephen Deuchar, cyfarwyddwr Art Fund a chadeirydd beirniaid y gystadleuaeth, fod Sain Ffagan yn "crisialu diwylliant a hunaniaeth Cymru".
Y pedair amgueddfa arall ar y rhestr fer oedd HMS Caroline ym Melffast, y Nottingham Contemporary, Pitt Rivers yn Rhydychen, a'r V&A yn Dundee.
Ffynhonnell y llun, Sain Ffagan
Wrth dalu teyrnged i Sain Ffagan dywedodd Mr Deuchar fod yr amgueddfa, sydd ar gyrion Caerdydd, wedi llwyddo i ddenu nifer o ymwelwyr newydd yn dilyn y datblygiadau diweddar.
"Fe gafodd y lle hudolus hwn ei wneud gan bobl Cymru ar gyfer pobl o bobman, ac mae'n un o'r amgueddfeydd mwyaf croesawgar ac atyniadol yn y DU," meddai.
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen Twitter a cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges Twitter
Llynedd cafodd gwerth £30m o welliannau i Amgueddfa Werin eu cwblhau, gan gynnwys adeiladau newydd a gwelliannau i'r arlwy i ymwelwyr.
Roedd y datblygiadau ar y safle yn cynnwys Bryn Eryr, fferm Oes Haearn sy'n seiliedig ar safle o oes y Rhufeiniaid, a Llys Llywelyn, sy'n seiliedig ar safle archeolegol Llys Rhosyr ar Ynys Môn.
Cafodd adeilad newydd y Gweithdy hefyd ei agor, ble mae modd gweld ac ymarfer sgiliau crefftwyr traddodiadol.
