Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Diogelu plant Powys: Rhybudd gan Lywodraeth Cymru
Mae Llywodraeth Cymru wedi rhybuddio Cyngor Powys eu bod yn barod i ymyrryd yn dilyn cyhoeddi adroddiad beirniadol am wasanaethau plant.
Yn 么l arolygwyr mae 'na berygl o niwed i blant oherwydd gwendidau difrifol yng ngwasanaethau cymdeithasol Cyngor Powys.
Mewn datblygiad arall mae prif weithredwr Cyngor Powys wedi cadarnhau bod yr awdurdod yn siarad 芒'r heddlu yngl欧n 芒 honiadau fod data wedi ei gam-drin.
Bydd uwch swyddogion y cyngor yn cwrdd 芒'r heddlu ddydd Iau i drafod y sefyllfa.
Mewn ymateb dywedodd Rebecca Evans, y Gweinidog Gwasanaethau Cymdeithasol, ei bod yn "siomedig ac wedi synnu" ar 么l clywed am y bwriad i gynnal trafodaethau rhwng y cyngor a'r heddlu yn y cyfryngau.
Mewn datganiad yn y Cynulliad fe fynegodd Ms Evans bryder am y sefyllfa, ac fe gafodd ei ddatgelu bod Estyn wedi mynegi pryder hefyd.
Cafodd ei gyhoeddi bod gweinidogion wedi gorchymyn cyflymu'r broses o gynnal adolygiad o wasanaethau cymdeithasol oedolion yr ardal.
Methiannau
Dywedodd Cyngor Powys y bydd hi'n costio 拢4m i gyflwyno'r "gwelliannau angenrheidiol" oherwydd methiannau gan adran gwasanaethau cymdeithasol y sir roddodd blant mewn perygl o niwed.
Mae gan y cyngor 20 diwrnod i gyflwyno cynllun gwelliant ar 么l i adroddiad gan Arolygiaeth Gofal a Gwasanaethau Cymdeithasol Cymru (AGGCC) fynegi pryder difrifol am y gwasanaethau cymdeithasol.
Nos Fawrth fe ddatgelodd Cyngor Powys eu bod wedi bod yn trafod gyda'r heddlu am y posibilrwydd bod data am berfformiad o fewn gwasanaethau plant wedi ei newid.
Dywedodd arweinwyr y cyngor bod cyllid ar gael i fuddsoddi yn y gwasanaethau cymdeithasol.
Mae'r cyngor wedi cael 90 diwrnod i wella neu wynebu mesurau arbennig gan Lywodraeth Cymru.
"Rydym eisoes wedi cynnal trafodaethau am y buddsoddiad sydd ei angen," meddai Rosemarie Harris, arweinydd Cyngor Powys.
"Mae'r arian gennym i wneud y gwelliannau angenrheidiol. Mae'n debyg o gostio tua 拢4m."
Dywed adroddiad AGGCC fod yna dystiolaeth fod cyfleoedd i ddiogelu plant wedi eu methu.
'Plant mewn perygl'
Mae Ms Harries, a Jeremy Patterson, prif weithredwr Cyngor Powys, wedi cwrdd 芒 Ms Evans, ac maen nhw wedi amlinellu cynllun ar gyfer sicrhau gwelliannau.
Dywedodd Mr Patterson: "Rydym wedi nodi ffynhonnell ar gyfer y cyllid a bydd hyn yn rhan o gyllideb y flwyddyn nesaf."
Yn 么l dogfen AGGCC, dangosodd eu hadolygiad bod "diffyg cynllunio ar gyfer asesu, gofal a chymorth" yng ngwasanaethau'r sir.
Roedd "dull anghyson o weithio" yn unol 芒 chanllawiau sy'n diogelu plant rhag ecsbloetio rhywiol yn golygu bod "plant mewn perygl o niwed", meddai'r adroddiad.
Yn siarad ar raglen Good Morning Wales ar 91热爆 Radio Wales ddydd Mercher, dywedodd Mr Patterson bod newidiadau wedi bod i uwch reolwyr ar 么l i "bryderon difrifol iawn" gael eu hamlygu.
Dywedodd bod ymchwiliad wedi dechrau, a bod modd gweld pwy sydd wedi trin pa ddata o fewn y system.
"Rydyn ni'n gwybod pwy sy'n gallu a phwy sydd ddim yn gallu mynd at y data, a phwy sy'n gallu rhoi data i mewn i'r system.
"Fel ddywedodd yr arweinydd ddoe, roedd un o'r dangosyddion perfformiad ar gyfer asesiadau statudol ar gyfer chwarter olaf y llynedd - hanner cyntaf eleni - yn dangos yn wyrdd, pan yn amlwg nid dyna oedd yr achos."
Dywedodd Ms Harris: "Mae'n ddrwg gennym i ni fethu cwrdd 芒'r safonau uchel y mae ein trigolion yn eu haeddu ac rydym yn ymddiheuro am ein diffygion."
Dywedodd bod mwy o staff wedi eu penodi ers yr etholiad ym mis Mai, gan gynnwys pennaeth gwasanaethau newydd a chyfarwyddwr gofal cymdeithasol newydd dros dro.
