Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Gwobr nofel Gymreig orau i Un Nos Ola Leuad
Ffynhonnell y llun, Other
Mae'r nofel Un Nos Ola Leuad gan Caradog Prichard wedi ei wobrwyo fel y 'Nofel Gymreig Orau' gan feirniaid y Wales Arts Review.
Cafodd y nofel ei dewis ar ol i 1,400 o ddarllenwyr y Wales Arts Review bleidleisio ar restr fer gafodd ei dewis gan banel o arbenigwyr llenyddol.
Un Nos Ola Leuad oedd yr unig nofel Gymraeg ei hiaith ar y rhestr hwnnw.
Cafodd y wobr ei chyflwyno i ferch yr awdur, Mari Prichard.
Dywedodd Uwch Olygydd y Wales Arts Review, Gary Raymond: "Mae Un Nos Ola Leuad yn llawn haeddu'r wobr.
"Yn arbennig, rydym wedi ein boddhau i'r nofel ddod i frig yr arolwg barn gan ei fod yn dangos bod nifer sylweddol o ymwelwyr i'n gwefan yn ddarllenwyr llenyddiaeth Gymraeg, yn ogystal 芒'n cynnwys llenyddol Saesneg."
Dywedodd yr awdures, Francesca Rhydderch: "Mae nifer helaeth o awduron newydd llewyrchus wedi dod i'r amlwg ers datganoli, a dylem ddathlu hynny.
"Ond mae hi'r un mor bwysig inni ystyried gwreiddiau'r gwaith newydd cyffrous sy'n ymddangos, a'r traddodiadau y mae'r gwaith yn deillio ohonynt."
Ychwanegodd: "Ymhellach, nid digwyddiad i lenorion a beirniaid yn unig yw hwn, mae'n achlysur i ddarllenwyr o bob cwr a chornel i ddod at ei gilydd i fynegi barn."
