Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Datrys anghydfod Pontydd Hafren
Ffynhonnell y llun, Other
Mae anghydfod am batrymau gwaith staff y tollbyrth ar Bontydd Hafren wedi ei ddatrys yn 么l un undeb.
Dywedodd undeb Unite mai dim ond manylion bach oedd eto i'w cytuno, ac nad oedd bygythiad o weithredu diwydiannol bellach.
Roedd yr anghydfod wedi rhygnu 'mlaen dros yr haf, gydag Unite yn honni y gallai newidiadau i batrymau gwaith arwain at oedi hirach wrth y tollbyrth.
Cytunodd cwmni Severn River Crossing (SRC) bod yr anghydfod wedi ei ddatrys heblaw ambell fanylyn bach.
Gorfodaeth
Ym mis Gorffennaf fe bleidleisiodd tua 70 o staff y tollbyrth dros weithredu diwydiannol yng nghanol pryder y byddai shifftiau gwaith newydd yn amharu ar y cydbwysedd rhwng gwaith a bywyd bob dydd.
Yna ym mis Awst fe gafodd streic 24 awr ar ddechrau G诺yl y Banc ei ohirio yn dilyn trafodaethau rhwng yr undeb a rheolwyr.
Mae gorfodaeth gyfreithiol ar SRC i gadw'r ddwy bont dros Afon Hafren ar agor rhwng de Cymru a Lloegr, a deellir y byddai streic wedi golygu peidio codi tal am groesi dros y cyfnod yna.
Dywedodd swyddog rhanbarthol Unite, Jeff Woods: "Mae trafodaethau'n parhau ac mae ambell fanylyn angen eu datrys, ond rwy'n falch iawn o ddweud ein bod wedi osgoi unrhyw weithredu diwydiannol.
"Mae pethau wedi'u setlo. Mae'r prif fecanwaith wedi ei gytuno gan y ddwy ochr, ac mae'r ddwy ochr yn hapus gyda'r ffordd y mae pethau wedi digwydd."
