91热爆

'Diod' gwahanol sy'n cael ei gynhyrchu ar faes yr Eisteddfod yr wythnos hon yw "Ginis i'r gerddi," - hylif sy'n win adfywiol i bob gardd mewn gwendid.

Mae'r hylif du yn cael ei gynhyrchu gan fyddin o fwydod - neu lyngyr daear - y tu allan i safle Cyngor Sir Caerfyrddin.

Y cyfan yn rhan o ymgyrch werdd gan y Cyngor i berswadio pobl i gompostio.

Ac un ffordd o brysuro'r broses honno yw trwy ychwanegu mwydod at wastraff t欧 ac ati gan fod hynny nid yn unig yn troi'r gwastraff yn gompost mewn byr amser ond hefyd yn ychwanegu protin a gynhyrchir gan y mwydod.

Ond fel yr eglurodd Geraint Bevan o Adran Addysg y Cyngor Sir mae hefyd sug yn ymgasglu y gellir ei gasglu ac ychwanegu d诺r ato i wrteithio gerddi.

"Dim ond un rhan o hwn sydd ei angen ar gyfer deg rhan o dd诺r," meddai gan ychwanegu ei fod, "Fel Guinness i'r gerddi!"

Mae Geraint yn cydweithio'n agos ag ysgolion y sir - pob un ohonyn nhw wedi cael bin compostio ac y mae rhaglen ar gyfer darparu mwydodfeydd (wormeries)hefyd.

Hefyd gall trigolion y sir brynu biniau compost am gyn lleied a 拢10 ar gyfer eu cartrefi.

Dywedodd Geraint i gryn ddiddordeb gael ei ddangos gan oedolion a phlant fel ei gilydd yn yr arddangosfa ar faes yr Eisteddfod.

"Maen nhw'n holi llawer ac yn gofyn am gyngor ac eraill yn barod i rannu eu profiadau," meddai.