91热爆

Wedi dau ddiwrnod trafferthus roedd y drafnidiaeth yn llifo'n rhwydd i ac o faes yr Eisteddfod ddoe (Mercher).

Fore heddiw hefyd dyw neb yn wynebu problem i gyrraedd y maes mewn pryd.

Bu pryderon y gallai dydd Mercher fod yn hunllef gan fod marchnad anifeiliaid ar ran arall o'r safle.

Ond mewn glaw a chyda llawer iawn llai o ymwelwyr na'r diwrnodau cynt aeth pethau yn rhwyddach na'r disgwyl.

"Mae'n bleser cael dweud fod y drafnidiaeth yn rhedeg yn rhwydd a didrafferth," meddai Sian Eirian, Cyfarwyddwr yr Eisteddfod, a ymddiheurodd i Eisteddfodwyr y diwrnod cynt oherwydd iddynt fod yn sefyll mewn tagfeydd am awr a hanner a mwy ar gyrion y maes.

Gyda chawodydd wedi mennu rhywfaint ar y diwrnod ddoe, 13,346 a ymwelodd 芒'r Eisteddfod - 4,500 yn llai na'r llynedd - ond er gwaethaf y glaw roedd y maes yn dal yn hwylus i gerddwyr a oedd yn canmol y llwybrau caled rhydd o fwd.

Ymwelodd 22,340 a'r Eisteddfod ddydd Llun (1,000 yn fwy na'r llynedd) a 21,580 ddydd Mawrth (1,500 yn fwy na'r llynedd).